Saturday, November 30, 2013

source,, http://ecadforum.com/ethiopianvideo/2013/11/27/straight-talk-africa-on-saudis-crackdown-against-ethiopians/

ከቤሩት የተሰማ አሰቃቂ መረጃ (ይህን ቪድዮ ከ18 ዓመት በታች የሆኑ እንዲያዩት አይመከርም)

ዘ-ሐበሻ ዝግጅት ክፍል አንድ የግል መልዕክት ,,,, አንድ እህት ብታጋግሩኝ አሳዛኝና ማንም ያልዘገበው መረጃ ቤሩት ውስጥ የተፈጸመ አቀብላችኋለሁ አለችን። ፈቃዳችንን ገልጸን ስልኳን ተቀብለን ወደ ቤሩት ደወልንላት እና አነጋግርናት። ሌሎችንም እንዲሁ አንጋገርን ... ከዚያም የሚከተለው አሳዛኝ መረጃ እንዲህ ተቀናበረ።http://www.zehabesha.com/amharic/archives/10112

VOA interviews Dawit Woldegiorgis and others on Saudi Arabia abuse of Ethiopians (video)

ከኢትዮጵያ ዜጎች ጋር በተያያዘ በሳውድ አረቢያ ከፍተኛ የሆነ አደጋ ማንዣበቡን ኢትዮጵያውያን ተናገሩ

ኢሳት ዜና :-በሳውድ አረቢያ የሚታየው ሁኔታ እጅግ አስፈሪ ነው ይላሉ ያነጋገርናቸው ዜጎች። ከ40 ሺ በላይ ኢትዮጵያን በእስር ቤቶች ውስጥ ይገኛሉ። ወደ አገራቸው ለመመለስ የሚፈልጉ በአስር ሺዎች የሚቆጠሩ ዜጎች ቀናቸውን ይጠባባቃሉ። የኢትዮጵያ መንግስት በመቶ ሺ የሚቆጠረውን ስደተኛ ለማስተናገድ የመደበው የሰው ሀይል 40 ብቻ ነው። የሳውድ አረቢያ መንግስት ደግሞ በተዘዋዋሪ መንገድ ኢትዮጵያውያን ከአገሪቱ ምድር ተጠራርገው እንዲወጡ እየቀሰቀሰ ነው። ሁኔታው በዚህ ከቀጠለ፣ በኢትዮጵያ ታሪክ ታይቶ የማይታወቅ አደጋ ሊፈጠር ይችላል ብሏል አንድ ስሙ እንዳይገለጽ የፈለገ ጋዜጠኛ።
በዛሬው እለት በተለያዩ የሳውዲ ከተሞች የተበተነው የኤስ ኤም ኤስ መልዕክት ህጋዊ ለተባሉትም ሆነ ህገወጥ ለሚባሉት ኢትዮጵያውያን የማስጠንቀቂያ ደወል ነው ይላሉ እኝህ ጋዜጠኛ።

በሞባይል ስልኮች የተበተነው ኤስ ኤም ኤስ ኢትዮጵያውያንን ቀጥራችሁ የምታሰሩ እንዲሁም መኖሪያ ቤት ያከራያችሁ ሁሉ በአስቸኳይ እንድታስወጡ፣ ይህን ባታደርጉ ግን 100 ሺ ረያል ትከፍላለችሁ የሚል እንደሆነ ያነጋገርናቸው ኢትዮጵያውያን ገልጸዋል። ይህን መልእክት ተከትሎ በርካታ ኢትዮጵያውያን ከተከራዩበት ቤት ተባረዋል። 9 ኢትዮጵያውያንን ወደ አስጠጋው ኢትዮጵያዊ በመደወል መታሰቢያ ቀጸላ አነጋግራቸዋለች። እርሱ እንደሚለው መልክቱ መተላለፉን ተከትሎ ጓደኞቹ ከቤታቸው እንዲወጡ ተደርጎ በእርሱ ቤት ተጠልለዋል::

ከቤታቸው ከተባረሩት መካከል አንዱ ከ8 ወራት በፊት አባቱ ቤታቸውን ሸጠው ፣ በኪራይ ቤት እየኖሩ በህጋዊ መንገድ እንደላኩት ይናገራል። አሁን ቤትክን ለቀህ ውጣ ተብሎ ህይወቱ አደጋ ላይ ወድቋል::

የሳውዲ መንግስት በኦፊሴል እንዲህ አይነት መልክት ያስተላልፍ እንደሆነ የጠየቅነው ጋዜጠኛ፣ መንግስት በቀጥታ እንዲህ አያደርግም ነገር ግን እርሱ ባሰማራቸው ሰዎች አማካኝነት መልክቶችን እንደሚሰድ ይታወቃል ብሎአል።

የኢትዮጵያ መንግስት ጠንካራ የዲፕሎማሲ ዘመቻ በማድረግ በመቶሺዎች የሚቆጠሩ ኢትዮጵያውያንን ህይወት መታደግ ሲችል በቀን ይህን ያክል ሰው አስመጣሁ በማለት ፕሮፓጋንዳ ይነዛል የሚለው ጋዜጠኛው፣ በሳውዲ የቀረው ኢትዮጵያዊ ወደ አገር ቤት የተመለሰውን በብዙ እጥፍ ይበልጣል ሲል በአገሪቱ ያለውን እውነታ አስረድቷል።

በሌላ በኩል ከሳውድ አረቢያ ወደ የመን የገቡ 3 ሺ ያክል ኢትዮጵያውያን በምግብ እጥረት ተጎሳቁለው እንደሚገኙ እስር ቤት ድረስ በመሄድ ጋዜጠኛ ግሩም ተክለሀይማኖት ጎብኝቷቸዋል።

በወላይታ ዞን በእስር ላይ ያሉት የሰማያዊ ፓርቲ አስተባባሪዎች እንዳይጠየቁ ተከለከለ!!!

አሁን በደረሰን መረጃ መሰረት .............
በዞኑ ጠንካራ የሚባሉትን ሁለት ልጆች የወጣቶች ጉዳይ ሀላፊ ወጨፎ አደሞ እና ታደመ ሞሃ የተባሉትን ወጣቶች ከትናንት ምሽት ጀምሮ መሳሪያ ትሸጣላችሁ በማለት አስረዉ ደብድበዋቸዋል፡፡ ቤተሰቦቻቸዉንም ያስፈራሩ ሲሆን ፍተሻ በማድረግ ምንም ነገር ሊያገኙ ባለመቻላቸዉ ተመልሰዉ ሲደበድቧቸዉ እንዳመሹ ከስፍራዉ ላለዉ አባላችን ከዉስጥ ካሉ ሰዎች ሊታወቅ ችሏል፡፡ በድብደባዉ በተለይም ወጨፎ የተባለዉ በተክለ ሰዉነትም ጠንከር ያለ ወጣት ለአራት በመሆን ከፍተኛ ጉዳት አድርሰዉበታል፡፡ ብልቱን ሳይቀር ክፉኛ እንደመቱት ምንጫችን አረጋግጧል፡፡
በሌላ በኩል ታስረዉ በሚገኙበት በወላይታ መርካቶ ክፍለ ከተማ በሚገኘዉ ፖሊስ ጣቢያ ሰዎች እንዳይጠይቋቸዉ ተከልክሏል፡፡ በዚህ ሳያበቃም በአባላት ላይ የማስፈራራት ዘመቻ መከፈቱን እንዲሁም ሰሞኑን ፓርቲዉን በዞኑ የማስተዋወቅ ስራ ሲሰሩ ፍላየሮችን ሲያድሉ የነበሩ ወጣቶችን

በተለያየ ቦታ እያፈኑ እያስፈራሩ እንደሆነ ታዉቋል፡፡

ሃገሪቷን የስደት ሃገር ያደረገው ራሱ መንግስት ነው

“ዜጐች የተሰደዱት መንግስት የሥራ ዕድል ባለመፍጠሩ ነው”

መንግስት ከሣውዲ የሚመለሱ ዜጐች ቁጥር አስቀድሞ ከተገመተው በላይ መሆኑን ገልጿል። ቀድሞ የተመላሾቹ ቁጥር “ዜጐች የተሰደዱት መንግስት የሥራ ዕድል ባለመፍጠሩ ነው”

28 ሺህ እንደሚሆን ቢገመትም አሁን ወደ 80ሺህ እንደሚደርስ ተነግሯል፡፡ በስደተኞቹ ላይ እየደረሰ ያለውን እንግልት

የውጭ ጉዳይ ሚኒስትሩ ዶ/ር ቴዎድሮስ አድሃኖም፤ ባገኙት አጋጣሚ ሁሉ ከማውገዝ አልተቆጠቡም፡፡ ጉዳዩ በሰከነና

የዲፕሎማሲ መርሁ በሚፈቅደው መንገድ መያዙንም ገልፀዋል፡፡ መንግስት ከዚህ በላይ በዲፕሎማሲው ርቆ ሊሄድባቸው

የሚችልበት አማራጮች እንደሌሉ የሠሞኑ መግለጫዎቹ ያመለክታሉ፡፡ ይሁን እንጂ የአዲስ አበባ ዩኒቨርስቲ የፖለቲካ

ሣይንስ ምሁሩ ዶ/ር መረራ ጉዲና፣ መንግስት የዜጐቹን መብት በማስከበርም ሆነ የሃገርን ክብር በማስጠበቅ ረገድ ምንም

አልተራመደም ይላሉ – ተመላሾቹን ከመቀበል የዘለለ ዲፕሎማሲያዊ እርምጃዎች መውሰድ አለመቻሉን በመግለፅ፡፡ ዶ/ር

መረራ ጉዲና በጉዳዩ ዙሪያ የሰጡንን አጭር ማብራሪያ እነሆ:-

በሣውዲ አረቢያ በዜጐቻችን ላይ እየደረሰ ያለውን በደል ተከትሎ መንግስት ጉዳዩን የያዘበትን መንገድ እንዴት

ገመገሙት?
ሁለት ሶስት ነገሮች አሉ፡፡ አንደኛው አሜሪካ፣ ጀርመን፣ ስዊድን በመሳሰሉት ሃገሮች ያሉ ኢትዮጵያውያን በሣውዲ

አረቢያ ላይ ተቃውሞ ሲያሰሙ እየፈቀዱላቸው፣ እዚህ መከልከሉ በዜጐች ላይ ተጨማሪ ወንጀል መስራት ነው፡፡

ሁለተኛው በተለያየ መንገድ እየሰማን እንዳለው አሁንም ቢሆን በ40ሺህ የሚቆጠሩ ዜጐች እየተንገላቱ ነው፡፡ እሪታና

የይድረሱልን ጥሪ እያሰሙ ነው። የኢትዮጵያ መንግስት ደግሞ የሚያወራው ሌላ ነው፡፡ መደብኩ እንኳን ያለው 50

ሚሊየን ብር አንድ እነሱ “የመንግስት ሌባ” የሚሉት የሚሠርቀው እኮ ነው። 50 ሚሊየን ብር ለ70ሺህ ሰው ነው

የመደቡት። ነገር ግን በሙስና የተከሰሱት ሰዎቻቸው እኮ የዚያን ሶስት እጥፍ ሰርቀዋል ተብሏል፡፡ በእውነቱ የተመደበው

ገንዘብ በጣም ትንሽ ነው፡፡ ሌላው ደጋግመው የሚያሰሙት፤ የሣውዲ አረቢያ መንግስትን ድርጊት የሚኮንን ሳይሆን

ወዳጅነት እንዳይበላሽ ትልቅ ስጋት ያላቸው የሚያስመስላቸው ነው፡፡ ከዜጐች ድብደባ፣ ግድያና እንግልት ይልቅ

የሣውዲ መንግስት ፍቅር የያዛቸው ነው የሚመስለው፡፡ ስለዚህ በሚፈለገው መንገድ ለጉዳዩ ምላሽ እየሰጡ አይደለም

የሚል መደምደሚያ ላይ መድረስ ይቻላል፡፡ ድሮውንም ቢሆን እነዚህ ዜጐች የተሰደዱት የኢትዮጵያ መንግስት የስራ

እድል መፍጠር ባለመቻሉ ነው፡፡ ሃገሪቷን የስደት ሃገር ያደረገው ራሱ መንግስት ነው፡፡
በሃላፊነትም ያስጠይቀዋል፡፡ ስለዚህ መንግስት በቀን ይሄን ያህል ሰው መለስኩ ከሚል፣ በመሠረታዊነት ዜጐች

የማይሰደዱባት ሃገር መፍጠር አለበት፡፡ የስራ እድል ሊኖርና የሰብአዊ መብት ሊከበር ይገባል፡፡
መንግስት በዜጐቹ ላይ ለተፈፀመው ግፍ፣ በአለማቀፍ ፖለቲካዊ ዲፕሎማሲው ምን ድረስ ነው ሊሟገት የሚችለው?
መንግስት እኮ ደጋግሞ የሚነግረን በህገወጥ መንገድ ከሃገር የወጡ ናቸው እያለ ነው፡፡ እንኳን በዚህ ዘመን ቀርቶ በጥንት

ዘመንም ስደተኞች ክብር አላቸው፡፡ ዝም ብሎ ይገደሉ፣ ይፈለጡ፣ ይቆረጡ አይባልም፡፡ ስለዚህ ሣውዲ አረቢያ ኋላቀር

በሆነ መንገድ ዜጐቻችንን ስታንገላታ በህግ መክሰስም ይቻላል፡፡ ሌላ አማራጭ ከተፈለገም እንደወዳጅ መንግስትና

የንግድ ሸሪክ ብዙ ተጽእኖ ማድረግ ይቻላል፡፡ ይልቁንስ የኢትዮጵያ መንግስት እያየ ያለው፣ እዚህ ያሉ ተቃዋሚዎች ምን

አሉ የሚለውን ብቻ ነው፡፡ ተቃዋሚዎች ከሰሱን፣ አጣጣሉን የሚለው ላይ ነው ያተኮረው፡፡
ከዚያም ሲያልፍ ሌት ተቀን እንደ መጽሐፍ ቅዱስ የሚነግረን ዜጐቹ በህገወጥ መንገድ መሄዳቸውን ነው፡፡ ዋናው ጉዳይ

መጀመሪያ የዜጐችን ነፍስ ማዳን ነው፤ ሌላው ደግሞ ለስደት የዳረገንን የኢኮኖሚ ችግር በመፍታት፣ ኢትዮጵያን ከስደት

ሀገርነት ዝርዝር ለማውጣት መንቀሳቀስ አለበት፡፡ ግን አሁን ባለው ሁኔታ የዚህ አዝማሚያ እምብዛም እየታየ አይደለም፡፡
መንግስት በሣውዲ አረቢያ ላይ ይከተል የነበረውን የዲፕሎማሲ አቅጣጫ ለመፈተሽና ለመቀየር የእነዚህ ዜጐች እንግልት

ምክንያት ሊሆን ይችላል ብለው ያስባሉ?
አሁን እኮ መንግስት ጠንከር ያለ መግለጫ እንኳ አላወጣም፡፡ በመኮነን ደረጃ እንኳ ደፍሮ መግለጫ ማውጣት

አልቻለም፡፡ ሌሎች ሀገሮች እኮ ቢያንስ በዜጐቻቸው ላይ በደል ሲፈፀም በመንግስት ደረጃ የመረረ ጩኸት ያሰማሉ፡፡

የኢትዮጵያ መንግስት ግን ከህዝቡ ጋር አብሮ ሊጮህ ቀርቶ፣ የህዝቡንም ድምጽ እያፈነ ነው፡፡ ለዚህ ነው በተለይ

በፖለቲካ ዲፕሎማሲው በኩል እየተወሰደ ያለው እርምጃ በቂ አይደለም የምለው፡፡
መንግስት ዜጐቹን ከሃገሪቱ ከማስወጣት ባለፈ እርምጃ ያልወሰደው የኢኮኖሚ ጥገኝነት ጉዳይ ስላለ ነው፤ የኢትዮጵያ

ዋነኛዋ የውጪ ንግድ ሸሪክ ሣውዲ በመሆኗ ነው የሚሉ አስተያየቶችንስ እንዴት ያዩዋቸዋል?
በእርግጥ የኢኮኖሚ ጥገኝነቱ አለ፡፡ እናውቃለን። ታላላቅ የሣውዲ አረቢያ ከበርቴዎች በዚህች አገር ኢንቨስት ያደርጋሉ፡፡

ነገር ግን ለኢኮኖሚ ሲባል የዜጐችን መብትና ብሔራዊ ጥቅምን አሣልፎ መስጠት በየትኛውም የፖለቲካ አማራጭ ፈጽሞ

አይመከርም፡፡ ከምንም በላይ የዜጐች መብትና የሃገር ክብር ይቀድማል፡፡ በመቶ ሺህ የሚቆጠር ሰው እየተንገላታ

ለኢኮኖሚ ጥገኝነቱ ሲባል ዝምታን መምረጥ እንዲሁም የዜጐችን ጩኸት ወደማፈኑ መሄድ ተገቢ አይደለም፡፡
አንድ መንግስት በሌላ ሀገር የሚኖሩ ዜጐቹን መብት ለማስከበር ከአለማቀፍ ህግና ፖለቲካ ተመክሮ አንፃር ምን ያህል

ርቀት ነው ሊጓዝ የሚችለው?
ዲፕሎማሲያዊ ግንኙነትን ጨርሶ እስከማቋረጥ ይደርሳል፡፡ ከዲፕሎማሲ ግንኙነት ማቋረጥ ባለፈም ችግሩን ለአለማቀፉ

ህብረተሰብ በጩኸት ማሰማትም ይገባል፡፡ የኢትዮጵያ መንግስት ግን አፉን ሞልቶ ‘በዜጐቻችን ላይ እየተሰራ ያለውን

ግፍ እንኮንናለን’ ለማለት እንኳ እየጨነቀው ነው፡፡ እዚህ ያለውን ኤምባሲ እንኳ ሲያነጋግሩ፣ ዋናውን አምባሳደር

አይደለም፡፡ በሰለጠኑትን ሃገሮች ደረጃ ቢሆን በ30ሺህ፣ 60ሺህ የሚቆጠሩ ዜጐች እንዲህ ያለ እንግልት ሲደርስባቸው

ቀላል ጉዳይ አድርገው አይመለከቱትም፡፡ የህንድ፣ የፊሊፒንስ እና የሌሎች ሃገሮች ዜጐች ከኢትዮጵያውያኑ በተለየ

ክብራቸው ተጠብቆ ነው ከሃገር የወጡት፡፡ ይሄ ለምን ሆነ ብሎ መጠየቅ ያስፈልጋል፡፡
የስደተኞቹ ስቃይ ለፖለቲካ መጠቀሚያነት እንዳይውል መንግስት ጠይቋል፡፡ በእርግጥ ለፖለቲካ መጠቀሚያነት ውሏል?
የኢትዮጵያ ዜጐች በያሉበት ብሶት እያሰሙ ነው። በተለያዩ መንገዶች በየሃገራቱ በኢትዮጵያውያኑ ላይ የሚፈፀሙት

በደሎች ሲሰሙ ይዘገንናሉ፡፡ እኛ እኮ እየጠየቅን ያለነው የእነዚህ ኢትዮጵያውያንን መብት ነው፡፡ ነገር ግን መንግስት

ጉዳዩን በሌላ እየተረጐመው እኮ ነው የተቸገረው፡፡

የቀድሞ የኦነግ ፕሬዚደንት ሌንጮ ለታ ከሟች መለስ ጋር የዘር ፖለቲካ ሲውጥኑ 1992

ኦሮሞ ሕዝብን ከኢትዮጵያ ቅኝ ግዛት ነፃ እናወጣለን የሚሉ በ1991-

1993 ሽግግር መንግስት ጊዜ ከወያኔ ጋር አብረው በፈጠሩት ሕገ

መንግስት እና የዘር ፌዴራሊዝም መገዛት ለምን አልቻሉም?

ዛሬ ወያኔን በዘር ከፋፋይነት የሚወነጅሉ ኦነጎች እራሳቸው አብረው በፈተፈቱት የዘር ማበጠር ስርዓት መገዛት ካልቻሉ የራሳቸው ችግር እንጂ አማራው ወይም ሌላው ጎሳ ያመጣው ችግር አይደለም።

በ1991-1993 የህዋሃት እና የኦነግ ሽግግር መንግስት የፓለቲካ ግብ የአማራ ብሄር ብለው ራሳቸው የፈጠሩትን አማርኛ ተናጋሪ ሕዝብ ለመጨፍጨፍና ለማጥፋት ነበር ነገር ግን አልተሳካም።

ኦነግ እንኳን የኦሮሞ ህዝብና መሬት ከኢትዮጵያ ሊገንጠል ራሱ ተገነጣጥሎ 20 የሚሆኑት ጫካ የተቀሩት 20-30 ኤርትራ ሌሎቹ

ደግሞ ዲያስፖራ ዋና ከተማዎች መንገድ ላይ የሚጮሁ ሲሆኑ እነዚህ ሁላ በደግሞ በሙስሊምና ክርስትያን ተከፋፍለዋል።

ታዲያ የኢትዮጵያ ሕዝብ ምን ያርግ?

እስራኤል ስደተኞችን ከሃገሯ አስወጣለሁ አለች:: ኢትዮጵውያኑም የገፈቱ ቀማሽ እንደሚሆኑ ተገልጿል፡፡

Israeli immigration officers escort an African migrant in south Tel Aviv

እስራኤል ኢትዮጵያውያንን ጨምሮ 60ሺህ የሚጠጉ አፍሪካውያን ስደተኞችን ከሃገሯ እንደምታስወጣ ያስታወቀች ሲሆን በህገወጥ መንገድ በሊቢያ የሚኖሩ ከ120 በላይ የሚሆኑ ኢትዮጵያውያን ደግሞ ወደ ሃገራቸው ይመለሳሉ ተብሏል፡፡ የእስራኤል ካቢኔ ባለፈው እሁድ ስደተኞቹን የሚያስወጣ አዲስ ህግ ካፀደቀ በኋላ የሃገሪቱ ጠቅላይ ሚኒስትር ቤኒያዊን ኔትያሁ፣ ህገወጥ ስደተኞቹን ከሀገራቸው እንደሚያስወጡ አስታውቀዋል፡፡
የአገሪቱ ካቢኔ ባፀደቀው መመሪያ መሰረት እስራኤል በመጀመሪያው ዙር 4ሺ ስደተኞችን የምታስወጣ ሲሆን በቀጣይም በዘላቂነት ህገወጥ ስደተኞች ወደ ሀገሯ እንዳይገቡ በዘላቂነት ለመከላከል ከግብጽ የምትዋሰንበትን ድንበር ጥበቃ እንደምታጠናክር ገልፃለች፡፡ ከሀገሪቱ ይወጣሉ ተበለው የሚጠበቁት አብዛኞቸ ሱዳናውያንና ኤርትራውያን ሲሆኑ ኢትዮጵውያኑም የገፈቱ ቀማሽ እንደሚሆኑ ተገልጿል፡፡

Minilik Salsawi

የሰማያዊ ፓርቲ ሊቀ-መንበር ኢ/ር ይልቃል ውይይት ያደርጋሉ

የሰማያዊ ፓርቲ ሊቀ-መንበር ኢ/ር ይልቃል በጀርመን- በስዊዘርላንድ – በሆላንድ – በዋሽንግተን ዲሲ ውይይት ያደርጋሉ
NOV 30,2013
(ኢ.ኤም.ኤፍ) የሰማያዊ ፓርቲ ሊቀ-መንበር ኢንጂነር ይልቃል ጌትነት የአውሮፓና የሰሜን አሜሪካ ጉብኝታቸውን ጀምረዋል። ትላንት ኖቨምበር 29 ጀርመን ፍራንክፈርት የገቡት ኢ/ር ይልቃል በመጪዎቹ ቀናት በአውሮፓ ከተሞች ተከታታይ የስራ ጉብኝት እንደሚያደርጉ አስተባባሪ ኮሚቴው በተለይ ለኢ.ኤም.ኤፍ አስታውቋል።

ለጊዜው በደረሰን የስራ ሰሌዳ መሰረት :-

- ቅዳሜ ኖቬምበር 30 በጀርመን ኑረንበርግ ከኢትዮጵያኖች ጋር ውይይት ያደርጋሉ።
- ሰኞ ዲሴምበር 2 በፍራንክፈርት የሚደረገው ሰላማዊ ሰልፍ ላይ ይገኛሉ።
- ዲሴምበር 5 ጄኔቭ ስዊዘርላንድ የሚደረገው የተቃውሞ ሰልፍ ላይ ይሳተፋሉ።
- ቅዳሜ ዲሴምበር 7 አምስተርዳም በሆላንድ ህዝባዊ ውይይት ያደርጋሉ።

ከአውሮፓ ቆይታቸው በኋላ ወደ ዋሺንግተን ዲሲ በመጓዝ በዲሴምበር 30 አርሊንግተን በተዘጋጀው ስብሰባ ከፕ/ር አል ማርያም ጋር ንግግር ያደርጋሉ።

Nov 30: Nuremberg : Public meeting and fundraising
Dec 02: Frankfurt: Appearance at a rally; Meet with invited guests for dinner
Dec 05: Geneva: appearance at a rally
Dec 07: Amsterdam: Public meeting

PRESS RELEASE-YEGNA RELEASES NEW MUSIC VIDEO FEATURING ASTER AWEKE

NOV 30,2013 799_mu_asterawekeWEB Ethiopia’s first girl band Yegna debuts its second music video “TAITU” today on Youtube, Diretube and Facebook. Featuring legendary singer Aster Aweke, it’s a tribute to Queen Taitu and to all the girls who share her courage and conviction.WATCH IT HERE. In the video, a magic mirror whisks a young student out of her classroom and into a future where she sees herself as an airline pilot, firefighter and Prime Minister, alongside the Yegna girls. AlemHailu, a14-year-old girl from Bahir Dar, said; “I love this song. This is the kind of thing that all Ethiopian’s should be singing about. This is not just for girls, but for all of us.” Band member and YEGNA actress Lemlem Haile Michael, who plays Mimi in the drama, said: “Empress Taitu is one of Ethiopia’s most celebrated women, who played a critical role in the country’s history. I believe that all Ethiopian girls can find some of Taitu’s courage and wisdom within them. This song shows us that there are lots of ways for girls to achieve their dreams.” “TAITU” was shot entirely in Ethiopia and produced by Ethiopian company Mango Production Ltd. YEGNA’s first music video ABET has been viewed more than 650,000 times online and recently won Best Single at the Leza Listeners’ Choice Awards 2013. More than 24,000 people attended one of the band’s first two music concerts in Akaki and Bahir Dar earlier this month. Founder of KembattiMentiGezzimma EthiopiaDr. Bogaletch Gebre,who won the 2012-2013 King Baudouin African Development Prize for her inspirational leadership and her determination to empower the women of Ethiopia, said; “YEGNA’s energy is contagious; their smile is infectious; the lyrics of their songs are inspiring and educational and their modesty is Ethiopian. They are the phenomenon of the new beginning for womanhood in Ethiopia.” The YEGNA drama and music launched in April this year. The drama follows the story of five very different girls whose shared love of music creates an unlikely, but strong, friendship. The girls go on to form a band and each episode features a new song. Series two of the YEGNA drama began on 27 October 2013 on Sheger, Bahir Dar, Dessie&DebreBerhan FM. Sundays 1-2pm and Thursday 5-6pm.

የኤሌክትሮኒክስ ሚዲያዎች ተከሰሱ!!

(ሠዓሊ አምሳሉ ገብረኪዳን አርጋው)

ለኢትዮጵያ ብሮድካስት ባለሥልጣን

አዲስ አበባ

አመልካች፡- ሠዓሊ አምሳሉ ገብረኪዳን አርጋው

ጉዳዩ፡- በኤሌክትሮኒክስ ሚዲያ (በአየር ሞገድ በሚሰራጩ የብዙኃን መገናኛዎች) በፖለቲካዊና በሕገወጥ መመሪያዎች የመደመጥ ወይም የመስተናገድ ዕድል ስለመነፈግ

በአየር ሞገድ የሚደመጡ የብዙኃን መገናኛ ወይም በኤሌክትሮኒክስ ሚዲያ የሚለቀቁ ዘፈኖች በአንድ ነጠላ ርእሰ ጉዳይ ላይ ማለትም በጾታዊ ፍቅር ላይ ብቻ ማተኮር እና ከያኔያኑም ቀድሞ ከነበረን የኪነት አትኩሮት በተቃራኒው ሀገርን ወደፊት ሊያራምዱ የሚችሉ፣ ትውልድን የሚቀርጹ ማለትም ሥነ-ምግባሩን ሥነ-ልቦናውንና ሰብእናውን የሚያንጹ ስንት ቁምነገሮች እያሉ ይህንን ርእሰ ጉዳይ ብቻ ያውም አንጋዶ ማለትም ከግብረ-ገባዊ አመለካከት አንጻር ትክክል ባልሆነ አቅጣጫ ሙጥኝ ብሎ መቅረት አገራችን ድሀ እና ልማት የጠማት ሀገር ከመሆኗ አንጻር ከኪነት ልታገኘው የሚገባትን ጥቅም ማግኘት አለመቻሏ እንደዜጋ ቢያስከፋኝ እና ቢያሳስበኝ ችሎታዬ በፈቀደልኝ መጠን ሰብአዊ ልማት ላይ ያተኮረ፣አሳሳቢና ትኩረት በሚሻ ርእሰ ጉዳይ ላይ ማለትም አንዳንድ ሴቶቻችን ምን አንዳንድ? አሁንማ ስፍር ቁጥር አላቸው እንዴ! ብቻ እነዚህ ሴቶች በፋሽን ሽፋን ክቡሩን ገላቸውን አራቁተው የሴትን ልጅ ክብርና ማንነት በሚያዋርድና በሚያረክስ ሁኔታ ወይም ከእርቃን ያልተናነሰ አለባበስ መጠቀማቸው የሚያስከትለውን አደጋ የሚገልጽ፣ የሞራል (የግብረ-ገብ)፣ የሎጂክ (የአመክንዮ)፣ የአይደንቲቲ (የማንነት) ጥያቄዎችን በማንሣት ከሀገርና ከሕዝብ ወይም ከትውልድ ጥቅም አንጻር ለማየት የሚሞክር፣ ትርፍና ኪሳራን የሚያሳይ፣ ኃላፊነት እንዲሰማን የሚመክር ባጠቃላይ ትውልድ ቀረጻ ላይ ያተኮረ እንደዘፈኖቻችን አዝማች የማይደጋግም አዝማች በመደጋገም ፋንታ ሊባሉ የሚገባቸውን ቁም ነገሮች የሚል ይህንን ሁሉ አድርጎ ከአብዛኞቹ ዘፈኖቻችን ባነሰ የደቂቃ ቆይታ ማለትም በአምስት ደቂቃ ከአርባ አምስት ሰከንድ የሚያልቅ ዘፈን ደርሼ ወይም አዘጋጅቼ ይሄንን ሰብአዊ ልማት ላይ ካተኮሩ ሥራዎቼ ቁ.1 ብዬ በመሠየም ጥር 2004ዓ.ም አዲስ አበባ ለሚገኙ ለየነጋሪተወጉ እና ለየመዝናኛ ዝግጅት አዘጋጆች ከሁለቱ በስተቀር ለሁሉም አድዬ ነበር፡፡ ቁጥር 2ቱን ደግሞ አሁን ወጣቱን የሀገር ተስፋ የሆነውን ሀገር ተረካቢ ትውልድ ብላሽ ወይም ከንቱ እያደረገው ባለውና የሀገርን ተስፋ የማምከን ከባድ ሥጋት ላይ በጣለው በሱስ ላይ ያተኮረ በማድረግ ሱሰኝነትንና የሚያስከትለውን አደጋ ወይም ውድቀትና የሰብእና ዝቅጠትን የሚያሳይ፣ እንደዚህኛው ሁሉ ጠንካራ የሎጂክ (የአመክኒዮ)፣ የሞራል (የግብረ-ገብ) ጥያቄዎችን እያነሣ ከዜግነት ግዴታ፣ ከሀገር እና ከሕዝብ ጥቅም አንጻር የሚፈትሽ፣ ማንነታችንን መለስ ብለን እንድናስብና እንድንጠብቅ የሚያደርግ ዘፈን ከዚህኛው በመቀጠል ለሕዝብ ጆሮ ለማብቃት አዘጋጅቼ ነበር፡፡ በሰብአዊ ልማት ላይ ወይም በትውልድ ቀረፃ ላይ ያተኮርኩበት ምክንያት 1ኛ/ ሰብአዊ ልማትን ወይም ትውልድ ቀረጻን ያላስቀደመ ልማት ስለ ልማት በቂ ግንዛቤ ያለማግኘት ችግር ያለበት እና በአረም የመመለስ ዋጋን የሚያስከፍል በድቡሽት ወይም በአሸዋ ላይ ቤትን እንደመሥራት ነውና ከዚህም የተነሣ የልማት እንቅስቃሴ ግቡን እንዳይመታ ይደርጋልና ነገራችን ሁሉ የእናቧይ ካብ የእቧይ ካብ እንዳይሆን በመሥጋቴ 2ኛ/ ደግሞ ከላይ እንደገለጽኩት ከአንድ ነጠላ ርዕሰ ጉዳይ ውጪም ሊተኮርባቸው የሚገቡ ብዙ ርእሰ ጉዳዮች እንዳሉ በማንሣት ለማሣየት ሁለተኛው ምክንያቴ ነው፡፡

ነገር ግን በሚያሳዝን ሁኔታ የብዙኃን መገናኛዎች ይህን የሰጠኋቸውን ዘፈን አንዳቸውም እንኳን አየር ላይ ሊያውሉት ወይም ሊያጫውቱት ሳይችሉ ወይም ሳይፈቅዱ ቀርተዋል፡፡ አንድ ሁለት የመዝናኛ ዝግጅት አዘጋጆች ዘፈኑን ሊለቁት ሲሞክሩም በሬዲዮ ፕሮግራሞች ወይም ዝግጅቶች ተቆጣጣሪዎች ተከለከሉ፡፡ የሬዲዮ ጣቢያዎችና የመዝናኛ ዝግጅቶች አዘጋጆች ዘፈኑን አየር ላይ ለመልቀቅ ያልፈለጉባቸው ወይም ያልቻሉባቸው ምክንያቶች ሦስት ናቸው፡፡

የሴቶችን ነገር በትችት መልክ ስለሚያነሣ ዘፈኑን ለማስደመጥ የብሮድካስት ባለሥልጣን ሕግ ይከለክለናል የሚል ሲሆን
በተለይ በመዝናኛ ዝግጅቶች አዘጋጆች የሚሉት የእኛ አድማጮች ብዙዎቹ ሴቶችና ሕፃናት ናቸውና ይህንን ዘፈን ብናስደምጥ አድማጭ ያርቅብናል ወይም ያስከፋብናል ከገበያ ውጭ ያደርገናል ሲሉ
የሴቶች ጉዳይ ክስ ያቀርብብናል የሚሉ ናቸው፡፡

የገረመኝና ያሳዘነኝ ነገር የተከበረ የባሕል፣ የወግ፣ የሞራል(የግብረ-ገብ) ድንጋጌዎቻችንን በመናድ ትውልድን የሚያስቱና ወደ አልሆነ አቅጣጫ የሚነዱ እንስሳዊ የወሲብ ባሕልን ማለትም ከአንድ በላይ የፍቅር ግንኙነትን የሚሰብኩና የሚያበረታቱ ፣ትዳር መመሥረትን ግቡ ያላደረገ ግንኙነት ፈጥሮ ወሲብ መፈጸምን ብቻ መጨረሻ ግባቸው የሆነና ይሄንንም የሚሰብኩ፣የጠንካራ ማኅበረሰብ መሠረት የሆነውን ተቋም ክቡሩን ትዳርና ሊጠበቅለት የሚገባውን አካላዊና መንፈሳዊ ንጽሕና ጨርሶ እንዲዘነጋ እንዲጠፋም የሚያደርጉ ባጠቃላይ የጥፋት መልእክቶችን ያዘሉ ለሀገርም ሆነ ለትውልድ ፋይዳ የሌላቸውን ዘፈኖችን ሲለቁ ወይም ሲያጫውቱ ምንም የማይመስላቸውና ተጠያቂነት የማይሰማቸው ሰዎች አልሚ ፣አንቂ፣ መካሪና ገሳጭ ትውልድን የሚያንጽ ዘፈንን ለመልቀቅ ወይም ለማስደመጥ ግን ትንሽም እንኳ ተነሣሽነት ያጡና ጨርሶ ፍላጎት የሌላቸው ሆነው ማየቴ ነው፡፡

እንደሚመስለኝ በእነዚህ ሰዎች ዘንድ የተሳሳተ ግንዛቤ አለ፡፡ የብሮድካስት(የስርጭት) ባለሥልጣን ያወጣውን ሕግ በቅጡ እንዳልተረዱት ይሰማኛል፡፡ በበኩሌ የኢትዮጵያ ብሮድካስት ባለሥልጣን ጠቃሚ እሴቶቻችን እንዲጠበቁ እንዲከበሩ የሚያሳስቡና የተሳሳቱትንም ግብረገባዊ በሆነ መንገድ የሚመክሩ፣ የሚገስጹና የሚያስተምሩ ዘፈኖችን እንዳይደመጡ ብሎ ይከለክላል ብዬ ለማመን እቸገራለሁ፡፡ የእኔ ዘፈን ደግሞ ከዚህ ውጪ ያደረገው ምንም ነገር እንደሌለ ከማመልከቻዬ ጋር አያይዤ ያቀረብኩትን የዘፈኑን ሲዲና የግጥሙንም ወረቀት በማድመጥና በማንበብ መረዳት ይቻላል፡፡ እኔ ይህንን ዘፈን ያዜምኩት ለመደመጥና የግፍ ገንዘብ ለማግበስበስ ዳሌሽ፣ ባትሸ፣ተረከዝሽ ወዘተ… ብዬ ተቅለስልሼ መዝፈን አቅቶኝ አልነበረም፡፡ ነገር ግን ይሄ ለሀገር እና ለሕዝብ ወይም ለትውልድ ምን ይጠቅማል? ምንስ ይፈይዳል? ማንንስ ያንጻል? ያልገባኝ ነገረ ቢኖር እነዚህ ሰዎች ከሀገር እና ከትውልድ ጥቅም ይልቅ ጥቂት የነበሩ ነገር ግን እያደር እጅግ እየበረከቱ የመጡ በመንስኤነትም የሚያስከትሉት ጥፋት ሊነገር ከሚችለው በላይ የሆኑ የአፈንጋጭ እኅቶች ጥቅም እንዴት ሊበልጥባቸው እንደቻለና እንደሚያንገበግባቸውም ነው፡፡

በዘፈኑ ላይ ለመግለጽ አንደሞከርኩት ብዙ እኅቶቻችን ፋሽን ነው እያሉ ከእርቃን ያልተናነሰ አለባበስና ከባሕላችንና ከወጋችን ከሃይማኖታችንም ጋር የሚጋጭ ወይም ውጭ የሆኑ የአልባሳት ዘመነኝነት(ፋሽን) ፉክክር ውስጥ መውደቃቸውና በአደባባይ መታየታቸው በየትምህርት ተቋማቱ ማለትም ከመለስተኛ ሁለተኛ ደረጃ ት/ቤት ካሉ ሕፃናት እኅቶች ጀምሮ እስከ ዩንቨርሲቲ ያሉ ሴቶች እኅቶቻችንን ሕልማቸውን ለሚያጨናግፉ ለምን ለምን ዓይነቶች ውስብስብ ችግሮች እንደዳረጋቸው፣ በአስገድዶ መድፈር ወንጀልና ለወሲብ ብዝበዛ ወንጀሎች የሚያበረክተው ቀጥተኛ የሆነ አሉታዊ አስተዋጽኦ፣ ለኤች አይቪ ሥርጭት መስፋፋት የሚፈጥረው አሉታዊ አስተዋጽኦ ድምር ውጤቱም ሀገርን ለሞት ሊዳርግ የሚችል መሆኑ በግልጽ እያየነውና እየሰማነው ያለነው ጉዳይ ነው፡፡ በመሆኑም ጉዳዩ ምን ያህል አሳሳቢና አንገብጋቢ እንደሆነ ላንረዳ እና ላንገነዘብ የምንችልበት ጤነኛ ምክንያት ሊኖር አይችልም፡፡

እስከማውቀው ድረስ በዘፈኑ ላይ ለተጠቀሰችው ገጸባሕሪ /ካራክተር/ ዓይነት ሴት ጥበቃ የሚያደርግ ወይም ከለላ የሚሰጥ ሕግ ወይም አዋጅ ማለትም ሴቶች እንደፈለጉ ሆነው ይውጡ የፈለጉትን ዓይነት አለባበስ ይጠቀሙ የሚል ወይም የሚፈቅድ ሕግ ወይም አዋጅ የለም፡፡ ጉዳዩ እንዲህ ዓይነት በሆነበት ሁኔታ ማንም መብቴ ነው መብቴ ተነካ ብሎ ያልተሰጠውን ወይም ያልተደነገገለትን መብት ሊጠይቅ የሚችልበት እኔን እና የእኔን ቢጤ ወይም የእኔና የእኔን የመሰለ ዘፈንን ያስደመጠን ነጋሪተ-ወግ ሊከስ የሚችልበት አካሄድ ሊኖር አይችልም፡፡ በአንጻሩ ግን እኔ እንዲህ ዓይነት ዘፈን በመሥራቴ ሕግ ይደግፈኛል ያበረታታኛል፡፡ ሕግ ስል የተጻፈ ሕግ ብቻ ማለቴ አይደለም፡፡ ያልተጻፉ ነገር ግን ገዢ የሆኑ የባሕል፣ የወግ፣ የሞራል (የግብረገብና) የሃይማኖታዊ ሕግጋቶችም ጭምር እንጂ፡፡

እስከሚገባኝ ድረስ የሴቶች ጉዳይ መ/ቤት የሀገራችንን ሴቶች ኢኮኖሚያዊ ወይም ጥሪታዊ ሰብአዊና ግብረገባዊ መብቶቻቸውን ለማስጠበቅና ለማስከበር የሚሠራ መ/ቤት እንጂ በተቃራኒው ሴቶች የሞራል (የግብረ-ገባዊ) ጥያቄን ረግጠው ራሳቸውን እንዲያረክሱ ማንነታቸውን እንዲያዋርዱ ክቡሩንና ጽዱውን ባሕልና ወጋቸውን እንዲያጎድፉ፣ ቅዱስ ሃይማኖታቸውን እንዲያስተሀቅሩ በውጤቱም ሀገር በድህነቷ ላይ ዘርፈ ብዙ ውጥንቅጥ ችግሮች ላይ እንድትዘፈቅ ለማድረግ፣ የክብረነክ እሴቱ መውደቅ የማይሰማው፣ የጽዱ ባሕሉና ወጉ መጉደፍ የማይገደው፣ የቅዱስ ሃይማኖቱ መስተሀቀር የማይደንቀው በአጠቃላይ ለማንነቱ ደንታ የሌለው ትውልድ ለመፍጠር ወይም ለማፍራት የሚሠራና የተቋቋመ መሥሪያ ቤት አይመስለኝም፡፡ ሊሆንም አይችልም፡፡ ዓላማቸው ከላይ እንደገለጽኩት ከሆነ እኔ እንዲያውም እነሱ ለዚህ ሥራዬ ያልተቆጠበ ድጋፋቸውን ሊሰጡኝ እንደሚችሉ ነው የሚሰማኝና የምገምተው፡፡ ዓላማችን አንድነውና የሚሠሩት ሴቶቻችንን ከተለያዩ አሰናካይ ችግሮች፣የቆዩም ሆኑ አዳዲስ ዘመን የሚፈጥራቸውን ኋላ ቀርና ጎጂ ልማዳዊ ድርጊቶች በመታደግ ብቁ ዜጋ ለማድረግ እስከ ሆነ ጊዜ ድረስ፡፡

እንደሰማሁት ከሆነ በእነዚህ ዓይነት ሰበቦች ማለትም በሴቶች ጉዳይና በብሮድካስት በባለሥልጣን እየተሳበበ ለሕዝብ ጆሮ ሳይበቁ የቀሩ ወይም እንዳይደመጡ የተደረጉ ግብረገባዊ ዘፈኖች የትየሌሌ ናቸው፡፡ ሁኔታው መቼም እጅግ የሚገርምና ድርጅቶቹንም የሚያስገምት፣የሚያሳማ፣ሌላ ዓላማ ያላቸው የሚያስመስል፣ የመብትና የግዴታን የጥፋትና የልማትን ልዩነቶች መረዳት የተቸገሩ የሚያስመስል ነው፡፡ ለምሳሌ ያህል ብንጠቅስ የአንድ አዝማሪ ዘፈን “መቀነቱ መልካም የተሰጠሽ ላንቺ፤ለጠየቀሽ ሁሉ ዝም ብለሽ አትፍቺ፡፡” የሚል ስንኝ የነበረውን ዘፈን አይሆንም ተብሎ ይህ ከላይ የተጠቀሰው ስንኝ ተቆርጦ እንዲወጣ ተደርጓል፡፡ የኤልያስ ተባበልን ተይ ተመለሽ በሏት የሚለው ዘፈንም እንዲሁ እንዳይተላለፍ ተደርጓል፡፡ ብዙ ዘፈኖች የአየር ሽፋን እንዳያገኙ ካገኙም ስንኞቻቸው ተቆርጠው እንዲቀርቡ የሚያደርጉበት አንድ ሌላም አደገኛ ምክንየያት አለ ለሳሌም በሕዝብ ዘንድ እጅግ ለመወደድ የበቃው የብርሃኑ ተዘራና የማዲንጎ አፈወርቁ “ሰላም ያገር ሰው ወይም አንበሳው አገሳ” የተሰኘው ዘፈን “ይሄን ሰው አማራ ‰ረ የሚለው ማን ነው” እያለ የሚወርደው አዛማች “ቢለያም ቋንቋው ደማችን አንድ ነው” እስከሚለው ድረስ ተቆርጦ እንዲወጣ ከተደረገ በኋላ ነው ዘፈኑ በቴሌቪዥን(በምርዓየ-ኩነት) እና በሬዲዮ(በነጋሪተ-ወግ) መታየቱና መደመጡ አንዲቀጥል የተደረገው፡፡ የብዙኃን መገናኛዎቹ ይሄንን ያደረጉበት ምክንያት ገዥው ፓርቲ(ቡድን) ከሚያራምደው ፖለቲካዊ(እምነተ-አስተዳደራዊ) አቋም ጋር የማይስማማ የሚቃረን ስንኝ ስለሆነ ነው ይላሉ፡፡ ነገር ግን ገዥው ፓርቲ ይሄንን ሊያደርግ የሚችለው ምንም እንኳን ሕጉ የፖለቲካ ፓርቲዎች የሬዲዮና ቴሌቪዥን ጣቢያ ማቋቋም አይችሉም ብሎ የከለከለ ቢሆንምና ገዥው ፓርቲ ግን ራሱ የደነገገውን ሕግ በመጣስ የራሱ ልሳናት የሆኑ የብዙኃን መገናኛዎች ያሉት በመሆኑ እነኝህን ዘፈኖች ከያዝኩት ፖለቲካዊ አቋም ጋር አይጣጣሙም ወይም ተቃርኖ አላቸው ብሎ ሽፋን መከልከል የሚችለው በራሱ በግሉ የብዙኃን መገናኛዎቹ እንጅ በመንግሥት ወይም በሕዝብ የብዙኃን መገናኛዎች ላይ ይሄንን ማድረግ የሚችልበት ምንም ዓይነት ሕጋዊ መሠረት አልነበረም፡፡ ድርጊቱ ሕገ ወጥና ወንጀልም ነው፡፡ ምክንያቱም የመንግሥት (የሕዝብ) የብዙኃን መገናኛዎች ያለአንዳች አድልዎ ከየትኛውም አቅጣጫ የሚነሡ ሁሉንም አስተሳሰቦች ፖለቲካዊም(እምነተ-አስተዳደራዊም) ቢሆኑ እንዲያስተናግዱ ሕገ መንግሥታዊ ግዴታ ተጥሎባቸዋልና፡፡

በሌላም በኩል ከገዥው ፓርቲ የተለየ አቋምና አስተሳሰብ የሚያንጸባርቁ ፓርቲዎችም ሆኑ የኪነት ሥራዎች ያሏቸው ከያኔያን (አርቲስቶች) በሕዝብ(በመንግሥት) የብዙኃን መገናኛዎች ሐሳባቸውን ያለ አንዳች ሳንሱር(ቅድመ-ምርመራ) በፃነት ለሕዝብ የማስደመጥ፣የማንጸባረቅ፣የማንሸራሸር፣የመስተናገድ ሕገመንግሥታዊ መብት አላቸው፡፡ በሚያሳዝን ሁኔታ እየሆነ ያለው ግን ፈጽሞ ከዚህ ተቃራኒው ነው፡፡ እንዲያው ለምሳሌ አንዲት ጠቀስኩ እንጅ ፈጽሞ ተቀባይነት በሌላቸው ሕገ ወጥ ተግባራት መብታቸውን አተው ሽፋን የተነፈጋቸው የኪነት ሥራዎች የትየለሌ ናቸው፡፡ ታዲያ ይሄ ተግባር ራሱ ላወጣው ሕግ የሚገዛ “መንግሥት” ከሌለ ምን ማድረግ ይቻላል? ተብሎ ብቻ የሚተው በደል ነውን? በወረቀት ላይ ጥሩና ጠቃሚ መብቶችን አስፍሮ በተግባር ግን ፈጽሞ ተቃራኒው ተግባር እንዲደረግ ማድረግ ከከባድ የማጭበርበር ወንጀል የከፋ ወንጀል አይደለምን?

ይሄ “መንግሥት” ከፍተኛ ኃላፊነትና ተጠያቂነት የሚጠይቀውን የመንግሥትነትን ያህል ቦታ ይዞ ራሱ ላወጣው ሕግ ከመጀመሪያው እስከ መጨረሻው ለእንድ ቀንም እንኳ ተሥተዳድሮበት አለማወቁ እጅግ አሳፋሪና የመጨረሻው የዘቀጠ ሰብእና መገለጫ፣ ቆሻሻና ወራዳ ታሪክም ነው፡፡ ይሄንን ተግባር እንደ ብልጠትና ብልህነት የሚቆጥርና የሚያደንቅ ሰውም ሌላ ምንም ዓይነት የሕክምና ማረጋገጫ ሳያስፈልገው ጤነኛ አለመሆኑን ሊያረጋግጥ ይችላል፡፡ የተማርኩ ነኝ የሚል ከሆነም እንደገና ይመለስ እና ሀ ብሎ ፊደል ይቁጠር። ከባዱና አስቸጋሪው ሆኖ ለመገኘትም ፈታኙ ነገር ቀናነቱ እንጅ ክፉነቱ አይደለም፣ትክክለኝነቱ እንጅ ስሑትነቱ አይደለም፣ ገንቢነቱ እንጅ አፍራሽነቱ አይደለም፣ማኅበራዊነቱ እንጅ ግለኝነቱ አይደለም፣ እውነተኛነቱ እንጅ ሐሰተኛነቱ አይደለም፣ንጹሕነቱ እንጅ ቆሻሻነቱ አይደለም፣ ዐዋቂነቱ እንጅ ድንቁርናው አይደለም፣ ቅድስናው እንጅ እርኩሰቱ አይደለም ወዘተ. ፡፡

ወደቀደመው ሐሳብ ልመለስና በእነዚህ የብዙኃን መገ“—ች ትውልድን ወደ አልሆነ አቅጣጫ የሚነዱ አንዳች ቁምነገርና ፋይዳ የሌላቸው ዘፈኖች እንደፈለጉ በነጻነት የሚታዩና የሚሰሙ የሚደመጡ ከሆነ ሲሆን ሲሆን ኃላፊነት የሚሰማን ከሆነ እንደዚህ ዓይነት ዘፈኖች እንዳይደመጡ መደረግ ነበረባቸው፡፡አሳማኝ ባልሆነ ምክንያት መደመጥ አለባቸው ከተባለ ግን ይልቁንም መካሪና ገሳጭ አስተማሪ የሆኑቱ ሌላው እንኳ ቢቀር በተመሳሳይ መልኩ እኩል ዕድል እንዴት ሊሰጣቸው አይገባም? አድማጭና ተመልካችም የሚበጀውንና የሚመርጠውን እንዲሰማና እንዲመለከት እንዴት መብት ወይም ዕድል አይሰጠውም? ይህ ካልሆነ ደግሞ አፈንጋጮቹ ዘፈኖች እንዳይተላለፉ የማይደረገው ለምንድንነው? ምዕራቡ ዓለም አንጻራዊ በሆነ መልኩ የሰው ልጆች መብት በየዓይነቱ የተከበረበትና የሚጠበቅበት የዓለም ክፍል እንደሆነ ይነገራል፡፡ በሚዲያቸውም (የብዙኃን መገናኛዎቻቸውም) አንድ ዘፋኝ ስለ አንዲት ገጸባሕሪ ዘልፎና አንቋሾ ቢዘፍን ጉዳዩ የዚያች ገጸባሕሪ ሆኖ ይቀራል እንጂ ነገሩ ተጠምዝዞ በአጠቃላይ የሴቶች ጉዳይ ተደርጎ አይታሰብም፡፡ እኛ ታዲያ ከእነሱ የበለጠ መብት ጠባቂና አስጠባቂዎች ሆነን ነው? ወይስ የመብት ምንነቱ አልገባን ሆኖ? ፡፡ የግለሰብ መብት ማለት ምን ማለት ነውን? የግለሰብ መብት ሊጠበቅና ሊከበር የሚገባው ወይም ያለበት እስከምን ድረስ ነው? አንዲት አፈንጋጭ ሴት መብቴ ነው የሚለውን ቃል ስለተናገረች ብቻ መብቷ ይሆናል ወይ? በበኩሌ የግለሰብ መብት መብት ሆኖ ሊከበር የሚገባው የቡድን ጥቅማችንን እስካልተጋፋ ፣ እስካልጣሰ ወይም እስካልተገዳደረ ጊዜ ድረስ ብቻና ብቻ ነው፡፡ ይህ የዲሞክራሲ (የበይነ-ሕዝብ) ሥርዓት አንኳር አስተሳሰብ ነው፡፡ እኛ የሰው ልጆች ተፋቅረንና ተሳስበን በአንድነት ለመኖር የቻልነው ሳንነጋገር የተስማማንባቸው በባሕልና በወግ ሥርዓቶች ጥበቃ የሚደረግላቸው የጋራ ጥቅሞች ስላሉን ነው፡፡ እነኚህ የጋራ ጥቅሞች ባይኖሩ ኖሮ የሰው ልጆች በአንድነት በኅብረት ወይም በጋርዮሽ የመኖር ዕድል ባላገኘን በተበተንን እንደ አራዊትም በሆንን ነበር፡፡ የጋራ ጥቅም ሥርዓት ለአንድ ማኅበረሰብ የማዕዘን ድንጋይ ነው፡፡ በመሆኑም ይህ የጋራ ጥቅም ድንበር በአንዳንድ አፈንጋጮችና እንደሰው ስሜትን መጠበቅና መቆጣጠር በማይፈልጉ ወይም ባቃታቸው ሰዎች እንዲደፈርና እንዲጣስ ጨርሶ ልንፈቅድ አይገባም፡፡ የግል ጥቅም ወይም መብት ያለ የጋራ ጥቅም ወይም መብት ፋይዳ የለውም ብቻውንም መቆም አይችልም፡፡ የጋራ ጥቅም ወይም መብትም ለ የግል ጥቅም ወይም መብት ካልተመቸ እርባና የለውም ብቻውንም መቆም አይችልም፡፡ ይህ እንዲሆን የፈቀድን ለታ ግን በአንድ ጀምበር ባይሆንም ረጅም በማይባል ጊዜ ግን እንናዳለን እንፈርሳለን እንበተናለን ሰብአዊነታችን ተቀይሮ የግብረገብና ሥነምግባር አጥር አልባ የሆነ ሌላ መጥፎ ቆሻሻ መገለጫ ወይም ማንነት ይኖረናል፡፡

ለሞራል ወይም ለክብረነክ ድንጋጌዎች ደንታ የሌላቸውና የብዙኃን መገናኛ ከሀገርና ከሕዝብ ጥቅም አንጻር የሚጠይቀውን ብስለት ብቃትና አስተዋይነት ያልያዙ የሌላቸው ግለሰቦች የብዙኃን መገናኛውን መቆጣጠራቸው ጠንካራ አቋም ያላቸው በሚመስሉት በምዕራቡ ዓለም አንኳ ጠንካራ አቋም ያላቸውን መንግሥታቶቻቸውንም ሳይቀር የሞራል(የግብረ-ገብ) እሴቶቻቸውን እና ጠቃሚ ባሕላቸውን የሚያስጠብቁበትንና የሚንከባከቡበትን፣ ዘመን የወለዳቸውን መጥፎ ልማዶችን ለመከላከል የሚችሉበትን አቅም ጨርሶ እንዳሳጧቸውና እንዳቃቷቸው ከባድ የራስ ምታት ፈተና እንደሆኑባቸውና እየተሸነፉ ከቀን ወደቀንም ከብዙ አቅጣጫ ብዙ ነገሮች እየተበላሹባቸው እንደ ሆነ ሁሉ የዚህ መጥፎ ተሞክሮ በሀገራችን እየታየ በመሆኑ ካለብን የአቅም ውስንነት ከሌሎቹም የተነሣ ይሄን አደጋ መቋቋም ጨርሶ አንችልምና ሳይቃጠል በቅጠል እንዲሉ ከወዲሁ ነገሩ ከእጅ ሳይወጣና ሳያመልጥ አፋጣኝ የማስተካከያ እርምጃ ሊወሰድ እንደሚገባ አበክሬ ማሳሰብ እወዳለሁ፡፡ ጦር አውጆ ከሚመጣ ጠላት ይልቅ ይህ ችግር የከፋ ብሔራዊ አደጋ የመጋረጥ አቅም አለው እንደ መንግሥት ይሄንን መረዳት የግድ ይላል ይህ ካልሆነ ግን ጉዳዩ ሌላን ነገር ይጠቁማል፡፡ እኔ የግድ ስም እየጠራሁ የእነ እከሌ የእነ እከሌ ዝግጅቶች እያልኩ ይህንን ከላይ የጠቀስኩትን አደጋ በሀገር ላይ የጋረጡትን በመዘርዘር መግለጥ ያለብኝ አይመስለኝም፡፡ የዚህ ባለሥልጣን መሥሪያቤት ሥራው እና ኃላፊነቱ (ማንዴቱ) ይሄው ነውና፡፡ ዞር ብሎ በብዙኃን መገናኛዎች ያለውን ሁኔታ ቢመለከት በቀላሉ ሊያገኘውና ሊረዳው የሚችለው ጉዳይ በመሆኑ፡፡

በዘፈኔ ላይ የተገለጸችው ገጸባሕሪ እንዴት ባለ መልኩ የቡድን ጥቅሞቻችንን አደጋ ላይ እንደጣለች ዘፈኑ ላይ ግልጽ ጥርት ባለ መልኩ ተገልጿል፡፡ በመሆኑም የዚች ገጸባሕሪ ዓይነት ሰብእና ያላቸው ሴቶች እንደዚህ አይነቱን አለባበስ መጠቀም በጭራሽ መብታቸው ሊሆን አይችልም፡፡ መብቷ ነው ተብሎ የተደነገገበት የሕግ መጽሐፍም እስካሁን ድረስ የለም፡፡ ሊኖርም አይችልም፡፡ ይህ በሆነበት ሁኔታ ያልተጻፈና የሌለ ሕግ እየተጠቀሰ ገንቢ የሥነ-ኪንን ሥራዎችን መጣል ማፈንና ከያኔያኑንም ማሸማቀቅ ኢ-ሞራላዊና ኢ-ግብረገባዊ ሕገወጥም እንደሆነ በቦታው ላሉ ማለትም የብዙኃን መገናኛዎችን በኃላፊነት ተቆጣጥረው ላሉ የተዛባ እና የተንጋደደ አስተሳሰብ ላላቸው ግለሰቦች ሊነገራቸው ይገባል፡፡ ምንአልባት ምንም ያህል የሕግ እውቀት ላይኖራቸው ይችል ይሆናል፡፡ ነገር ግን ባይኖራቸውም እንኳ በተፈጥሯዊ ዕውቀት (in common sense) በቀላሉ ሀገርን የሚጠቅመው ትውልድን የሚያንጸው የቱ ነው? የሚለውን አግባብ የሆነውንና መቼም ጊዜ ቢሆን ሊረሳ የማይገባውን አንገብጋቢ ጥያቄ ለራሳቸው ቢያነሡ ከእንደዚህ ዓይነት የተሳሳተና አደገኛ አካሄድ የመጠበቅ ዕድል ሊያገኙ በቻሉ ነበር፡፡

በመሆኑም የብሮድ ካስት ባለሥልጣን መሥሪያ ቤቱ የብዙኃን መገናኛዎቹ የያዙትን አደገኛ አቅጣጫ ማለትም አድማጭ ያስከፋብናል በሚል ግብረ ገባዊ ዘፈኖችን የማይቀበሉና ዕድል የሚነፍጉ ከሆኑና አድማጭ ለማስደሰት ብለው ደግሞ የዚህን ተቃራኒ መልዕክት ያላቸውን ዘፈኖች የሚያስደምጡ ከሆነ ሕዝቡን ወዴት እየነዱት እየወሰዱት እንደሆነ በግልጽ እየታየ በመሆኑ ሳይዘገይ የአቅጣጫ ማስተካከያ እርምጃ እንዲወሰድ ጥቆማዬን አቀርባለሁ፡፡ የብሮድካስት(ስርጭት) ባለሥልጣን መሥሪያ ቤቱ በየብዙኃን መገናኛው ያለው መደናገርና ግራ መጋባት አለማወቅም ምን ያህል አሳሳቢ እንደሆነ ተረድቶ ቅድሚያ ትኩረት (Primary Concern) በመስጠት አስቸኳይ መፍትሔ እንዲሰጠው ለማስገንዘብ በሚል እንደወረደ ስሜታዊነት በተንፀባረቀበት መልኩ ማመልከቻውን ጽፌዋለሁ፡፡ ለድፍረቴ ታላቅ ይቅርታ ሳልጠይቅ አላልፍም፡፡ ለችግሩም መፍትሔ እንደሚሰጠው ተስፋ አደርጋለሁ፡፡ አመሰግናለሁ፡፡

ኢትዮጵያ ለዘለዓለም ትኑር

ሠዓሊ አምሣሉ ገ/ኪዳን አርጋው

ይሄንን የአቤቱታ ማመልከቻ ጻፍኩና ሄድኩ ጉዳዩ ይመለከታቸዋል ወደ ተባሉት የመሥሪያ ቤቱ ባለሙያዎችም ገብቸ የክስ ማመልከቻውን ስሰጥ ጉዳዩ ምን እንደሆነ እንድነግራቸው ጠየቁኝ ጉዳዩንም ከገጠመኝ ችግር ጋር አስረዳሁ፡፡ ባለሞያዎቹ ግን አይ ባለሥልጣን መሥሪያ ቤቱ የሚመለከተው ወይም የመመልከት ሥልጣኑ ያለው በብዙኃን መገናኛዎቹ ሽፋን ወይም ሥርጭት ባገኙ ጉዳዮች ላይ ለሚቀርቡ ቅሬታዎች ነው፡፡ ባልተሠራጩ ወይም ሽፋን ባላገኘ ጉዳይ ላይ ምንም ማለት አንችልም በብዙኃን መገናኛዎች ሥራ ላይ ጣልቃ እንደመግባት ይቆጠራል የሚል ምላሽ ሰጡኝና እዚያው ሳለሁ የክስ ማመልከቻየን መለሱብኝ፡፡ እኔም አይ ዘፈኔ እንዳይተላለፍ የተደረገው እኮ እናንተ አወጣቹሁት በተባለው ሕግ ምክንያት ነው፡፡ ምንም እንኳ ዘፈኑ ለሥርጭት ባይበቃም በእናንተ ሕግ ምክንያት ነውና ለሥርጭት እንዳይበቃ የተደረገው ጉዳዩን ልታዩት ይገባል የሚል መከራከሪያ አቀረብኩ፡፡ ባለሞያዎቹ ግን የተለየ ምላሽ አልነበራቸውም የብዙኃን መገናኛዎችን ይሄንን ዘፈን አስደምጡ ብለን ማዘዝ አንችልም፡፡ ባለሥልጣን መሥሪያ ቤቱ በጉዳይህ ላይ ሊሄድ የሚችለው እዚህ ድረስ ነው፡፡

ከዚህ በተረፈ ግን ምናልባት በግላችን የምንሰጥህ ምክር ሊኖር ይችል እንደሆነ ዝርዝር ጉዳዩ ምን እንደሆነ እስኪ ንገረን አሉ፡፡ እኔም የዘፈኑን ግጥም በማንበብ ከብዙኃን መገናኛዎችና የመዝናኛ ዝግጅቶች አዘጋጆች የገጠመኝን ችግር በዝርዝር አጫወትኳቸው፡ ነገር ግን የእነሱም ማለትም ዙሪያዬን የከበቡኝ የሰባቱም ባለሞያዎች እምነት የተለየ አልነበረም፡፡ ከአንድ ሰዓት ተኩል ለበለጠ ጊዜ የአለባበስና መብትን በተመለከተ የከፊል እርቃን አለባበስ እስካላቸው ብሔረሰቦቻችን ድረስ በጥሩ ሁኔታ በመቃኘት እጅግ የጦፈና አስተማሪ ክርክር ካደረግን በኋላ ልዩነታችን በጣም ጠበበና ምን ወደ ማለት መጡ እሽ ይሁን ነገር ግን አፕሮችህን ማለትም ሀሳብህን ያቀረብክበትን መንገድ ቀይረው የሰው ልጅ ብዙ ጊዜ ተችተኸው ወይም ነቅፈኸው ልምከርህ ላስተምርህ ስትለው ተደማጭና ውጤታማ አትሆንም ስለዚህ ከዚህ የተለየ አካሄድ ብትጠቀም የሚል ሐሳብ አቀረቡ በምሳሌ እንዲያስደፉልኝ ጠየኳቸው፡፡ እነሱም ሐሳቡ እንዳለ ሆኖ አግባብነት ያለው አለባበስን እያደነክ ባሕላችንን እያመሰገንክ ከነቀፋና ከትችት የፀዳ ምክርህንም አስታከህ ብታቀርበው ውጤታማ ልትሆን ትችላለህና ይሄንን መንገድ ብትጠቀም መልካም ነው፡፡ የሚል ሐሳብ አቀረቡ፡፡

እኔም ሐሳባቸው ጥሩ እንደሆነ ነገር ግን ከዚህ በፊት በዚህ አቀራረብ የተሠሩ በርካታ ዘፈኖች እንደነበሩ ነገር ግን ምንም ለውጥ ያላመጡ ከመሆኑም በተጨማሪ ጉዳዩን የምርጫ ጉዳይ እንዲሆን እንዳደረገው ማለትም ዘፈኔ እናንተ እንዳላችሁት “ይሄውልሽ እኅቴ የእኛ እኮ ባሕላችን ወርቅ ነው ምን የመሰለ ክብርን የሚጠብቅ የአለባበስ ባሕል አለን እና ይሄን አለባበስ ተጠቀሚ እባክሽ” የሚል ቢሆን አይ እኔ አይመቸኝም እሱ ለእኔ ኋላ ቀር ነው የእኔ ምርጫ ይሄኛው ነው ከማለት ውጭ አሃ ውነትህን ነው እኔ ስላላወኩ ነበር አትልም ምክንያቱም ሲጀመርም ይሄ ጠፍቷቸው አይደለምና የተራቆተ አለባበስ ወደ መጠቀም የሄዱት የሰለጠኑ መስሏቸው ፣ ለአፈንጋጭ የውስጥ ስሜታቸው እጅ በመስጠታቸው እና በተሳሳተ ግንዛቤ ነፃነታቸውን የተጠቀሙ መስሏቸው እንጂ፡፡ ይሄም በተደጋጋሚ በየብዙኃኑ መገናኛው አለባበስን በተመለከተ በተደረጉ ውይይቶች ላይ ተንጸባርቋል፡፡ በመሆኑም ነው ስለ ጉዳዩ በሁሉም የዕድሜ ክልል ያሉትን ሰዎች ስሜትና ፍላጎት በመጠየቅና ጥናት በማድረግ ለየትና ቆንጠጥ ባለ አቀራረብ የጉዳዩን ክብደት ሊያሳይና ሊያስገነዝብ በሚችል ደረጃ መልስ የሚያሳጡና የሚሹ አመክንዮአዊ ጥያቄዎችን በማስያዝ፣ ለራሷ የምትሰጠውን የሞራል(የግብረ-ገብ) ደረጃ እያደረገችው ካለችው ነገር ጋር እንድታገናዝብ የሚያደርግ፣ የግል ስሜቷን ብቻ እስካልተከተለችና ኃላፊነት የሚሰማት ብቁ ዜጋ እስከሆነች ጊዜ ድረስም እንከን የሌለበት የአለባበስና የአስተሳሰብ ባሕላችንን መጠቀም አማራጭ የሌለው መፍትሔ እንደሆነ እንድትረዳ ያደርጋል ባልኩት መንገድ ትችት ያለበትና አፋጣጭ ጥያቄዎችን የሚያነሣ፣ በየ ውይይት መድረኩ የተለያዩ የመከራከሪያ ነጥቦችን እያነሡ ክርክሩን በአሸናፊነት እንደተወጡ ስለሚያስቡና ካሸነፍን ወይም ሊያሳምኑን እስካልቻሉ ጊዜ ድረስ የምናደርገው ነገር ትክክል ነው የሚል አቋም ስላለ ያልታያቸውን ያልተረዱትን ነገር በማሳየት የጉዳዩን ክብደት አበክሮ ለማስገንዘብ ጠንከር ባለ አገላለጽ እነዚያ የመከራከሪያ ነጥቦቻቸው ባላሾችና የትም የማያደርሱ መሆናቸውን የሚያስገነዝቡ አመክንዮዎችን በመጠቀም ኃላፊነት እንዲሰማንና ከሁለት አንድን መምረጥ ስንመርጥም መልካሙን እንዲሆን የሚያሳስብ አካሄድ የተጠቀምኩት፡፡

አውቃለሁ አፕሮቹ(አቀራረቡ) ፈሊጥ የጎደለው ነው ነገር ግን ያልተሞከረው ወይም ያልተሔደበትን የቀረን ብቸኛው አማራጭ ይሄው አካሄድ ብቻ በመሆኑ ነው፡፡ እስኪ የዚህኛውን አካሄድ ደግሞ እንሞክረው በማለት ነው የሚል ምላሼን ካቀረብኩ በኋላ ከፊሎቹ ዝምታን ሲመርጡ ከፊሎቹ ግን ከአድናቆት ጋር እስከ መጨረሻው ድረስ እንድቀጥልና እንዳላቆም በማሳሰብ ልሔድባቸው የሚገባኝን መሥሪያ ቤቶች በመንገርም ጭምር ድጋፍና ልሄድባቸው የሚገቡኝን ቦታዎች ጥቆማ ሰተውኝ የጋለ ክርክራችን ተቋጨ፡፡ እኔም አመስግኜ ሥራ ስላስፈታኋቸውም ይቅርታ ጠይቄ ማመልከቻዬንም ይዤ ወጣሁ፡፡

ሠዓሊ አምሳሉ ገ/ኪዳን አርጋው

ከዚያም በመቀጠል እንደ ብሮድ ካስት ባለሥልጣን ሁሉ ማሳጫ ወደ ሆነው መሥሪያ ቤት አመራሁና የሚመለከታቸውን ሁለት የሥራ ኃላፊዎች አነጋገርኩ ከመጀመሪያው ጋር ስለ አለባበስ ሕጋችን ምን ይላል በሚለው ጉዳይ ላይ ሲሆን እርሳቸውም እንዲህ ልበሱ እንዲህ አትልበሱ የሚል ነገር የለም፡፡ ነገር ግን የሰዎችን ወሲባዊ ፍላጎት የሚቀሰቅሱ ማኅበረሰቡ ተቀብሎት ከሚኖረው ጥሩ ባሕልና ወግ ውጭ የሆኑና የሚቃረኑ ጸያፍ ድርጊቶችን በአደባባይ ማሳየት ወንጀል እንደሆነ መደንገጉን ገለጹልኝ ከዘፈኔ ዓተያይ ጋርም እያጣቀስን ጥሩ ውይይት አደረግን ኃላፊው ቀጠሉና ግን ለምን በሴቶች ላይ ብቻ አተኮርክ? ሲሉ ጠየቁኝ እውነት ነው ይሄኛው ዘፈን በሴቶች ላይ ብቻ ያተኮረ ነው እንደዚሁ ሁሉ በወንዶች ላይ ብቻ ያተኮረ ሱስን ርእሰ ጉዳዩ ያደረገ ዘፈን መጻፌንና አቅም በፈቀደልኝ ጊዜ ተቀናብሮ ለጆሮ እንደሚበቃ ስነግራቸው አሀ! ዘራፍ ብለህ ነዋ የተነሣኸው? ብለው ፈገግ አሰኙኝ፡፡

በመቀጠልም ከሌላኛው የሚመለከታቸው የመሥሪያ ቤቱ የሥራ ኃላፊ ጋርም እንዲሁ በቅድሚያ የጻፍኩትን ዘፈን በብዙኃን መገናኛዎች ዘንድ ያጋጠመውን ችግር ገለጽኩላቸው የዘፈኑን ስንኞችም አነበብኩላቸው እርሳቸውም መሥሪያ ቤታቸው በእንደዚህ ዓይነት ጉዳይ ላይ በማንም ላይ ክስ አቅርቦ እንደማያውቅ ማንዴቱም (ኃላፊነቱም) እንዳልሆነ ገልጸው መክሰስ ቢኖርባቸው ኖሮ ግን በምርአየ ኩነት (ቴሌቪዥን) በሚታዩ ሴቶችን በእርቃን በሚያሳዩና ከሞራልና (ከግብረ-ገብ) ውጭ በሆኑትና መጥፎ ትምህርት በሚሰጡ የኪነት ሥራዎች ላይ ክስ ይመሠርቱ እንደነበር አብራሩ እኔም ከዚህ በፊት አንድ አትሌት በቃለ መጠይቁ ጊዜ አግባብ ያልሆነ ነገር ተናግሯል በሚል ክስ መሥርታቹሁበት እንደነበረ ይነገራል ስላቸው ይህንን ጉዳይ መ/ቤታቸው እንዳላደረገውና ድርጊቱም ፈጽሞ ትክክል እንዳልሆነ በጥሩ አገላለጽ ገለጹልኝ ታዲያ ማን አደረገው ስላቸው የሆኑ ቡድኖች ናቸው መጨረሻ ላይም አትሌቱን ወይም ሯጩን ይቅርታ አስጠይቀው ትተውታል ድርጊቱ ግን ትክክል ያልሆነ በዓለም አቀፍ ደረጃ እየተሠራበት ያለው የአትሌቲክስን ሕግ መሠረት ያላደረገና የሚቃረን መሆኑን በማብራራት ድርጊቱ ምን ያህል የተሳሳተ እንደነበር አብራሩ፡፡ እኔም ለነበረን ቆይታ አመስግኜ ትብብራቸው በፈለኩ ጊዜ ድጋፋቸውን እንዲሰጡኝ ጠይቄ ወጣሁ፡፡ የብዙኃን መገናኛዎቹ ግን ከዚህም በኋላ ለመታረም ባለመፍቀዳቸው ይሄንን ሁሉ ጉዳይ የጉዳዩ ባለቤት የሆነው ሕዝቡ ዓይቶ ይዳኘን ዘንድ ለንባብ አበቃሁት ስላንዛዛሁባችሁ ይቅርታ ያውም ብዙ ነገሮችን አስቀርቸ ለትዕግስታችሁ አመሰግናለሁ፡፡ ቸር ይግጠመን፡፡

source http://www.goolgule.com/

"ስለ ኢትዮጵያ ዝም አንልም ግብረ ሰዶማዊነት በኢትዮጵያ የ666 አሰራር" በደረጀ ነጋሸ

Thursday, November 28, 2013

ኢትዮጵያና ዩኤስ አሜሪካ በኬኔዲ ዘመን

ባለፈዉ ሳምንት ዩናይትድ ስቴትስ ፕሬዚዳንት ጆን ኤፍ ኬኔዲ የተገደሉበትን 50ኛ ዓመት ዘክራ ዉላለች። እንደ ጎርጎረሳዉያኑ ህዳር 22 ፤ 1963 ዓ,ም ቀትር ላይ በደቡብ ቴክሳስ ዳላስ ከተማ፤ በጥይት የተገደሉት ፕሬዚደንት ኬኔዲ ሰለባ የሆኑት ስልጣን ላይ ከወጤ ሶስተኛ ዓመታቸ ን ሊይዙ ትንሽ ወራቶች እንደቀራቸዉ መሆኑን ዘገባዎች ያሳያሉ።

ፕሬዚደንት ጆን ኤፍ ኬኔዲ፤ በዚያ ወቅት ከኢትዮጵያዉ ንጉሰነገስት ቀዳማዊ ኃይለ ሥላሴ ጋር ጥሩ ግንኙነት እንደነበራቸዉ ተመልክቶአል። በተለይ ጆን ኤፍ ኬኔዲ ከመገደላቸዉ ከአንድ ወር ቀደም ብሎ ቀዳማዊ ኃይለ ሥላሴ አሜሪካንን መጎብኘታቸዉ ይነገራል። በለቱ ዝግጅታችን ጆን ኤፍ ኬኔዲ የተገደሉበትን 50ኛ ዓመት በማስመልከት፤ ኢትዮጵያ በጆን ኤፍ ኬኔዲ፤ ዘመነ ሥልጣን ከአሜሪካ ጋር የነበራትን ግንኙነት እንቃኛለን ።

ዩናይትድ ስቴትስ በታጣቂ የተገደሉትን የሀገሪትዋን 35 ተኛ ፕሬዚዳንት ጆን ኤፍ ኬኔዲ፤ 50 ዓመት ዘክራ ዉላለች። በዚህ ቀን የሀገሪትዋ ሰንደቅ ዓላማ ዝቅ ብሎ ተዉለብልቦአል። ፕሬዚዳንት ጆን ኤፍ ኬኔዲ፤ በተገደሉበት ሃምሳኛ ዓመት በደቡብ ቴክሳስ ዳላስ ከተማ፤ ልክ ከ ከቀኑ ስድስት ሰዓት ተኩል ላይ ልዩ ስነ-ስርዓት መካሄዱ ተነግሮአል። ፕሬዚደንት ጆን ኤፍ ኬኔዲ፤ ካለፉት 50 ኛ ዓመታት ወዲህ እጅግ ተወዳጁ የዩናይትድ ስቴትስ ፕሬዚደንት መሆናቸዉም ተዘግቦአል።

ኢትዮጵያ በጆን ኤፍ ኬኔዲ፤ ዘመነ ሥልጣን ከዩኤስ አሜሪካ ጋር ጥሩ የወዳጅ ነት ግንኙነት እንደነበራት ቢታወቅም ጆኔፍ ኬኔዲ በተለይ ከኢትዮጵያዉ ንጉሰ ነገስት ቀዳማዊ ኃይለ ሥላሴ ጋር የጠበቀ ግንኙነት እንደነበራቸዉ ዘገባዎች ያመላክታሉ። በዩናይትድ ስቴትስ ነዋሪ የሆኑት የንጉሰ ነገስት ቀዳማዊ ኃይለ ሥላሴ የልጅ ልጅ ልዑል ኤርምያስ ሳህለ ስላሴን በስልክ አግኝተን ጠይቀናቸዉ ነበር፤

የ 53 ዓመቱ የቀዳማዊ ኃይለ ሥላሴ የልጅ ልጅ ልዑል ኤርምያስ፤ የልዑል ሳህለ ስላሴ እና የልዕተ ማህፀንተ ሃብተማርያም ብቸኛ ልጅ ናቸዉ። እንደ ልዑል ኤርምያስ፤ በጆኔፍ ኬኔዲ ዘመን ስልጣን፤ አንዳንድ ዘመናዊ ስልጣኔ ገብቶአል፤
በጆኔፍ ኬኔዲ የስልጣን ዘመን እድሜም የደረሰ ስለነበር ብዙ ነገሮችን አአስታዉሳለሁ ያሉን በተመድ 28 ዓመታት ያገለገሉት እና በጡረታ ላይ የሚገኙት አቶ ኪዳኔ አለማየሁ፤ ቀደም ሲል ቀዳማዊ ኃይለ ሥላሴ አሜሪካንን ብዙ ግዜ ቢጎበኙም፤ እንደ ጆኔፍ ኬኔዲ በደማቅ አቀባበል አልተደረገላቸዉም ሲሉ ይገልጻሉ፤

የመጀመርያ ደረጃ ትምህርታቸዉን ኢትዮጵያ እንደተከታተሉ የሚገልፁት ቀዳማዊ ኃይለ ሥላሴ የልጅ ልጅ ልዑል ኤርምያስ፤ በኢንግሊዝ የሁለተኛ ደረጃ ትምህርታቸዉን በመቀጠል፤ በዩናይትድ ስቴትስ የከፍተኛ ትምህርታቸዉን እንደተከታተሉ ተጠቅሶአል። ልዑል ኤርምያስ ጃንሆይ ጆኔፍ ኬኔዲ ሊገደሉ አንድ ወር በፊት አሜሪካን እንደነበሩ ገልፀዉልናል።

የመጀመርያ ደረጃ ትምህርታቸዉን ኢትዮጵያ መከታተላቸዉ የተመለከተዉ ቀዳማዊ ኃይለ ሥላሴ የልጅ ልጅ ልዑል ኤርምያስ፤ በኢንግሊዝ የሁለተኛ ደረጃ ትምህርታቸዉን በመቀጠል፤ በዩናይትድ ስቴትስ የከፍተኛ ትምህርታቸዉን እንደተከታተሉ ተጠቅሶአል። ልዑል ኤርምያስ ጃንሆይ ጆኔፍ ኬኔዲ ሊገደሉ አንድ ወር በፊት አሜሪካን እንደነበሩ እንዲህ ያስታዉሳሉ።
ቀድሞ በተመድ ሰራተኛ የነበሩት አቶ ኪዳኔ አለማየሁ፤ በበኩላቸዉ ምንም እንኳ በዚያ ወቅት የጆን ኤፍ ኬኔዲ እና የቀዳማዊ ኃይለ ስላሴ ወዳጅነት የጠነከረ ቢሆንም ቅሉ፤ ጃንሆይ ለሀገራቸዉ ያስፈልገኛል ያሉት ርዳታን ከአሜሪካ አላገኙም ሲሉ ተናግረዋል።

ከአሜሪካዉያን ደስ ያለኝ ነገር፤ ያለፉትን የታሪክ ሰዎች ማስታወሳቸዉ ነዉ የሚሉት ልዑል ኤርምያስ ሳህለ ስላሴ፤ ቀዳማዊ ኃይለ ሥላሴ ተገቢዉን ክብር እንዲሰጣቸዉ ምኞቴ ነዉ ሲሉ ገልፀዋል።

ጆን ኤፍ ኬኔዲ በጀርመን ሀገርም እጅግ ተወዳጅ ናቸዉ። ፕሬዝዳንት ኬኔዲ የዛሬ 50 ዓመት ምዕራብ በርሊንን በጎበኙበት ወቅት በጀርመንኛ ICH BIN EIN BERLINER „በርሊናዊ ነኝ“፤ነፃ ሰዎች ሁሉ የትም ይኑሩ የት የበርሊን ዜጎች ናቸው። እናም እንደ አንድ ነፃ ሰው ICH BIN EIN BERLINER „በርሊናዊ ነኝ“ ስል ኩራት ይሰማኛል ሲሉ በተናገሩት በዚህ አባባላቸው ዘወትር ይታወሳሉ።

አዜብ ታደሰ
ነጋሽ መሃመድ

ሊንኩን በመንት ዝርዝር ዘገባውን ያዳምቱ

http://www.dw.de/popups/mediaplayer/contentId_17259718_mediaId_17259717

በቅርቡ ሪያድ አሚራ ኑራ ዩኒቨርሲቲ በተነሳው ሁከት በአውቶብስ ተጨፍልቃ የሞተችው ነፍሰጡር ኢትዮጵያዊት ምስል ይፋ ሆነ (18+) NOV 28,2013

በሳውዲ አረቢያ ከእሳት ወደ ረመጥ ያመራው የወገኖቻችን ህይወት አሰቃቂ እና ዘግናኝ በሆኑ አደጋዎች ታጅቦ ግፍ እና መከራው ቀጥሏል::

በቅርቡ ሪያድ አሚራ ኑራ ዩነቨርስቲ በተነሳው ሁከት በአውቶብስ ተጨፍልቃ የሞተችው ነፍሰጡር ኢትዮጵያዊት ምስል ይፋ ሆነ። ከአስራ ስምንት ዓመት በታች የሆኑ እንዲያዩት አይመከርም።

ኖቬብር 24 2013 ምሽት ሚን ዛህሚያ እይተባለ ከሚነገርለት ግዜያዊ መጠለያ «ወገን ማሰቃያ » ጣቢያ በ17 አውቶብስ ተጭነው ኤርፖርት እንወስዳችሃለን ተበልው ሪያድ ከተማ መለዝ እይተባለ ወደ ሚጠራ አሚራ ኑራ ዩንቨርስቲ እንዳቀኑ በሚገርላቸው እገኖቻችን እና በሳውዲ ፖሊሶች መሃከል በተነሳ ግጭት በአውቶብስ ተጨፍልቃ የሞተችው ነፍሰጡር እህታችን አሰቃቂ ሞት ይፋ ሆነ ።

በሪያድ የኢትዮጵያ ዲፕሎማቶች እና በኢትዮጵያ ውጭ ጉዳይ ሚኒስቴር ተወክለው ወደ ሳውዲ አረቢያ እንደግቡ የሚነገርላቸው የልዑካን ቡድን አባላቶች ይህን የወገኖቻችንን ዘግናኝ አሟሟት በዓይናቸው አይተውት እንደነብር የሚናገሩ ምንጮች ህይወቷ በአሰቃቂ ሁኔታ ላለፈቸው ነፍሰጡር ከማዘን ይልቅ ጉዳዩ ይፋ እንዳይወጣ አደጋው በተከሰተበት ወቅት ፎቶ ያነሱ ኢትዮጵያውያን ወገኖቻችንን የቅረጹትን ይህን ምስል ለማንም አሳልፈው እንዳይሰጡ ያስፈሯሯቸው ነደነበር ገልጸዋል።

በሳውድ አረኢያ ወገኖቻችን ላይ እይደረሰ ባለው አሰቃቂ ሁኔታ ኢትዮጵያውያን ከመቸውም ግዜ በላይ የከፋ ሁኔታ ውስጥ ስለሚገኙ ድምጻቸውንን ከፍ አድርገን መጮህ ይጠበቅብናል ።

http://www.zehabesha.com/

Anonymous - Keeping It Real for Ethiopia

በደላላ ሃገር ሰትመራ! በታደለ መኩሪያ

በትግራይ ሕዝብ ነፃነት ግንባር ሽፋን፤ ዛሬ ይህቺን ጥንታዊት ሃገር ኢትዮጵያን እየመራት ያለው ወያኔ የሚባል ቡድን ነው። ይህ የጭንጋፍ ስብስብ በትግራይ ሕዝብ ልባስ የኢትዮጵያን ለም መሬትና ቡቃቅላ ልጆቿን በደላላነት ለሳውዲ አረቢያ ሲያቀርብ መቆየቱን ዓለም ያወቀው ፀሐይ የሞቀው ሐቅ ነው። የዚህ ቡድን የጥቅማጥቅም ተቋዳሾችና አልጠብባዮች ጋር በመተባበር ቤሔራዊ ኩራታችንን አደጋ ላይ ጥለውታል።እነዚህ የዕንግዴ ልጆች ሆድ አደሮች ፤ትውልድም፣ የገዛ ልጆቻቸው የሚያፍሩባቸው ናቸው። ይህቺን በደምና አጥንት የቆመች ሃገር በአደባባይ እንድትዋረድ አደርገዋታል፤የቤሔራዊ ውርደት እንድንከናነብ አድርገውናል፤ በአባቶቻችን መሰዕዋትነት ለዘመናት አንገታችንን ቀና እንደላደረግን ዛሬ በውርደታችን አፍረን አቀርቀረናል። ውርደታችንን ከማይጠገን ደረጃ ያደረሰው ደግሞ የአዲሰ አባባ ከተማ ኗሪ ሕዝብ በልጆቹ ላይ በሳውዲ አረቢያ በተፈጸመው የግድያ፤የአስገድዶ መድፈርን፣ የንብረት ዘረፋውን ተቋሞ ለማሰማት ወደ ሳውዲ ኢንባሲው በሄዱት ዜጎች ላይ ድብደባና እስራት መፈጸሙ ወያኔ የሳውዲ አረቢያ ደላላ ጥቅም አስጠባቂ፣ አለቅላቂ ቡድን መሆኑን ፍትው አድርጎ አሣይቶናል። የኢትዮጵያ ሕዝብ ልጆቹንና ቤሔራዊ ክብሩን አስቀምቶ ይቀመጣል ማለት የማይታሰብ ነው። ይህ ወደፊት የምናየው ነው። አንድ መታወቅ ያለበት ለራሱ ነፃነት ከራሱ በላይ የሚያውቅለት እንደሌለ ነው። የተቃዋሚ ድርጅቶች መሪዎች ለራሳቸው ነፃነት የሚወጉ ከሆነና በተግባራቸው የተመሠከረላቸውን መከተሉ ከታለመው ግብ በጋራ ለመድረስ አስፈላጊ ነው። የፓለቲካው ጫወታ ሲደራ አለን ማለት የቢሊጮን ተረት ነው የሚሆነው።አስታውሳለሁ 1961 ዓ ም ነበር፤ አንድ የኢትዮጵያ አየር መንገድ በሲሪያ አይሮፕላን ማረፊያ በኤርትራ አመጸኞች ቦንብ ይጣልበታል፤ ያንን የሰማ የኢትዮጵያ ሕዝብ ፍቃድ ከመንግሥት ሳይጠይ ዳር እስከዳር ወጥቶ አረቦች ይውጡልን በሚል ቁጣውን ገለጿል። እንኳንስ እስራትና ድብደባ ግልምጫም አልደረሰበትም፤ ወታደሩ ሲቨል ለብሶ ተካፋይ እንጂ ቆመጥ ይዞ ዜጎችን አልደበደበም። በአሁኑ ጊዜ በአዲስ አበባ የሚገኙ የተቋሚ ድርጅቶች ማወቅ ያለባቸው ቤሔራዊ ክበሬ ተነካ የሚል ዜጋን ወንጀሉን የፈጻሚውን ቡድን ፍቃድ ጠይቀን ሰላማዊ ሰልፍ እንወጣለን ማለት በሕዝብ ቆጣ ላይ ውኃ መቸለስ ነው። ውርደት አድራሹን ፍቃድ ጠይቆ አደባባይ ከመውጣት ለሕዝቡ ያለውን ነግሩ መቀመጡ ይመረጣል። ሕዝቡ በሚፈልገው መንገድ ቤሔራዊ ኩራቱን ማስከበር ይችላል፤ ማንም ሊያስጠብቅለት እንደማይችል አምኖም የራሱን ምርጫ ይወስዳል፤ እንዲወስድ መተውው ከጣልቃ ገብነት ያድናል። ከግሩ ጥፍር እስከ ፀጉሩ ጫፍ የታጠቀውን ቡድን የሕዝብ ኃይል ሸባ እንደሚያደርገው እያወቅን አፍ ሞልቶ ኢትዮጵያ መንግሥት አላት ማለቱ ከቃል ያለፈ በተግባር የሚታይ አይደለም፤ የሚታየው የወያኔ መንግሥት ነኝ ባዩ ዜጎችን ከአጸመ ርስታቸው አፈናቅሎ ለአረቦች ለቻይናዎች ለሕንዶች ለም መሬቷን ሸጦ፣ ያ ሳይበቃው ዜጎቿን ለባርነት በደላላነት የሚሸጥን ቡድን አፍ ሞልቶ መንግሥት ነው ማለት የፍረሃት መግለጫ ከመሆን ሌላ ፍቺ የለውም።

<!–[endif]–>

ስለ ፍረሃት ከተነሣ በሕበረተሰባችን ከጥንት ጀምሮ የሚፎከር ፉከራ ልተርክላችሁ፤

የአካባቢዬ ጎሮምሶች ለአቅመ አዳም የደረሱ የተፈሪ ሱሪያቸውን እጀጠባብ ሸሚዛቸውን ለብሰው፤ ቡሽ ባርኔጣቸውን ደፍተው፣ መውዜር ጠመጃቸውን በትከሻቸው አድርገው፣ ይህቺን ሲንኝ ሲያጎራጉሩ በልጅነቴ፣ እነርሱን ለመሆን ነበር ምኞቴ፤

ይሙት ጎበዝ፣

ይሙት ጅግና፣

ፈሪ ይኑር ቢሻው፣

አተላ መሸከም ይችላል ትከሻው። የሚል ነበር።

ይህቺን ስንኝ በአንድ ወቅት አንድ አዛውንት ለኔው ለራሴ ደገሙልኝ። አስተማሪ ሆኛለሁ በጣም የጣፈጠ ኑሮ እኖራለሁ፣የፍረሃት ችግኙ በእኔ ውስጥ እያቆጠቆጠ መሆኑ ይሰማኛል፣ ግን አውጥቼ አልነገረውም፣ ፈሪ ላለመሆኔ ማስተባበያዎቼ በሽበሽ ናቸው፣ እንደአስፈላጊነታቸው እመዛቸዋለሁ።አንድ አባባል አለ ‘የስው ፍረሃቱ ከነፃነቱ የመሸሹ መገለጫ ነው’ ይላሉ። እኛ አዛውን ያቺን ስንኝ በፉከራ ለኔ ያሉበትን ምክንያት ልተርክላችሁ፤

ዓመተ ምህረቱ 1967 በሚያዚያ ወር ነበር፤ ሥፍራው ባሌ ጎባ ነው፤ ደግለሃን ጋሻ የሁለተኛ ደረጃ ተማሪዎች ቡድንና የፖሊስ ሠራዊት ቡድን መካከል የእግር ኳስ ውድድር ለዋንጫ ይደረጋል። የመጫወቻው ሜዳ በፖሊስ ቅጥር ጊቢ ነበር። የፖሊሱ ቡድን በግብ ሲበለጥ ቡጢ ይጀመራል፤ ጫወታውን ዳኛው አቁሞ ፣ተመልካቹም ወደየቤቱ ያመራል። ወጣቶች እየጨፈሩ ሲወጡ አንድ ዘብ የቆመ ፓሊስ ተኩሶ አንዱን አስራ ሁለት ዓመት ዕድሜ ያለውን ይገለዋል። በነጋታው የሁለተኛ ደረጃው ተማሪዎችና መምህራን ሥራ ያቆማሉ፤ በአካባቢው የነበሩ የስድስት አንደኛ ደረጃ ትምህርት ቤት መምህራን የሥራ ማቆሙን ተግባር ይቀላቀላሉ፤ የክፍለ ሃገሩ ምክትል አስተዳዳሪና የለውጥ ሃዋሪያቱ አስር አለቃ መምሀራንን ሰበስበው ወደማስተማሩ ሥራ እንዲመለሱ ከማስጠንቀቂያ ጋራ ትዕዛዝ ይሰጣሉ። የሁለተኛ ደረጃ መምህር የነበረው አስፋው ዘለቀ ተነስቶ ‘የዚህ ተማሪ ደም ፍትህ ካላገኘ ማስተማሩም መማሩም ፋይዳ የለውም’ ብሎ ተቀመጠ። መምህራኑም በሥራ ማቆሙ ጸኑ፣ ተማሪዎቹም ወደየመጡበት ወረዳዎች ተበተኑ።

በወቅቱ በደርግ ጽፈት ቤት የአስተዳደር ክፍል ተጠሪ የነበረው ሻለቃ ደበላ ዲንሳ ሦስት ራሱን ሆኖ ሉካን መርቶ ወደክፍለሃገሩ መጣ። የመምህራኑ ተወካዮችን ጠርቶ ስብሰባ እንዲጠሩ አዘዘ። መምህራን በትምህርት ቤቶች ጽፈት ቤት ቅጥር ጊቢ መስክ ላይ ተሰበሰቡ።ሻለቃ ደበላ ስለአብዮት ደሰኮረ፤ አንድ መምህር ተነሣና ሻለቃ አንተ ሐረር ውስጥ ቀይ ኮፍያ በማድረጋችን ኮሚኒስት ትለን ለነበርነው ስለአበዮት ለእኛ አትነግረንም ብሎት ተቀመጠ። አንደኛ መምህር ተነስቶ ጥያቄው ስለቅሪላ ማልፋት ጎል ማግባት አይደለም። ወታደር ሥልጣን ላይ ወጥቷል ብለው መሣሪያቸውን ወደሕዝብ ያዞሩት ፓሊሶች አስቁምልን ነው ጥያቄው ብሎት ተቀመጠ። መምህር አስፋው ዘለቀ ከመቀመጫው ተነሳ፡ የሁለት ወር ዕድሜ ያለው ሕፃን ልጅ አባት ነኝ፤ እንዲህ በሃገሬ ፍትህ መጓደሉን በግልጽ ገብቶኝ ኖሮ ትዳሩም በቀረበኝ ልጁም ባልተወለደ ነበር፤ መቅደም ያለበትን ባለማስቀደሜ አዝናለሁ ብሎ ተቀመጠ። በሦስተኛው ቀን አነጣጣሪ ተኳሾች ተመርጠው በፓሊስ ሲሲና አይሮፕላን መጥተው አሰፋው ዘለቀ ከሚዝናናበት ቡና ቤት በራፍ ላይ ጠብቀው አነጣጥረው ገደሉት።

አስከሬኑን ከሆስፒታሉ ታዛ ሥር ባለው ጠረጴዛ ላይ ያጋደሙትን፣ ከበን፣ ስናለቅስ በአካባቢው የሚያውቁኝ አዛውት ጋቢ ለብሰው ፈንጠር ብለው ከቆሙበት ጠቀሱኝ፤ አኔም ሄድኩኝ፤ ስማ አሉኝ ‘እናንተ ወንዶቹ ምን ይሁን ብላችሁ ነው የምታለቅሱት?’ ይሙት ጎበዝ፣

ይሙት ጀግና፣

ፈሪ ይኑር ቢሻው፣

አተላ መሸከም ይችላል ተከሻው። ብለው ተኮሳትረው ሄዱ።

መምህር አስፋው ዘለቀ፤ ዕውቅ ወጣት ገበሬዎች የዓለም ማያ መሩቃን ነጋሽ ሣህሌ ታደሰ ይርገጤ ፍትህ በሌለበት ምንም ሊሠራ እንደማይቻል አውቀው እንዲቻል ለማድርግ ሲታገሉ አለፉ። እኔን መሰሉ አተላ መሸከምን ሥራችን ያደረግን ይሄው አለን፤ በወቅቱ ሃያ ሰባት ሚሊዮን የነበረው የሕዝባችን ቁጥር ወደ ዘጠና ሚሊዮን ተቃርቧል፤ አንድ ዮኒቨርሲቲ የነበረው ሰላሳ ሁለት ሆኖል፤ የመምህራኑ ቁጥር የተማሪዎቹ አምስት እጥፍ ጨምሯል፤ ግን ስንቱ መምህር ተማሪ ስለፍትህ አውቆ እየታገለ ነው? ከሃገር የተሰደደው ዜጋ ቁጥር የደብረዘይትን ከተማ ኗሪ ያህላል፤ የሃገራችን መሬት በውጭ ሃገር ተይዞ የነበረው የኢንባሲዎች መኖሪያ ብቻ ነበር፣ ዛሬ ከትግራይ ክፍለሃገር በስተቀር በቀሩት ክፍለሃገሮች ባዕዳን ለም መሬቶቻችንን በልማት መልክ ተከራይተው ለተወሰነ ጊዜ ብቻ እንዳያመርት ባልታወቀ ነጥረ ነገር አፈሩን እንዳሻሮ እየቆሉት ነው። መምሀር አሰፋው ዘለቀ የጠየቀው የፍትህ ጉዳይ እስከዛሬ መልስ አላገኘም። ከነአካቴው ዜጎች ሃገር አልባ እየሆኑ ነው ፣ የተፈጠሩባትን ምድር ተነጥቀዋል፤ በትግራይ ሕዝብ ነፃነት ግንባር ደላላነት ለም መሬታችንም ልጆቻችን ተሸጠው ከነ አረጓዴው ቢጫው ስንደቃችን ‘ከልብ ውሻ’ እየተባሉ በሳውዲ አረቢያ ሲገደሉ፣ ሴት ልጆቻችን ለአራት ለአምስት ሲደፈሩ አይተን እንዳላየን ነን፤ የዓለም ሕዝብ ያየው ስለሆነ ለማስተባበል ብንሞክር ግምል ሰርቆ አጎብሶ ሆኖብናል፤ ለዚህ ውርደት መንስኤውም ፣ መፍትሔውም፣ ያለው በእኛው በኢትዮጵያውያ እጅ ነበር። የተሰበረን ቅስም ለልጅ ልጅ ማስተላለፍ ወይም እንደመምህር አስፋው ዘለቀ ከሁሉም በፊት ፍትህ ይቅደም ብሎ ዳር እስከዳር በዚህ ጠባብ ቡድን ላይ ከመነሣት ሌላ አማራጭ የለንም። ይህን የአረብ ምደኛ ደላላ የሆነ መንግሥት ነኝ ባይ ጭንጋፈ ማስወገድ ወይም ቤሔራዊ ክብርን አስረክቦ አንገትን ደፍቶ በባርነት መኖር ሌላው ምርጫችን ነው። በተለይ የትግራይ ክፍለሃገር ሕዝብ በሰሙ የሚደረገውን የኢትዮጵያዊነት የማዋረድ ተግባር የለሁበትም ፣ በስሜም መጠቀሙ ይቁም ማለት አለበት። የዛሬውን ጥቅም በማየት ይህ ውርደት አይመለከተኝም ቢባል አንኳን ታሪክ መሠረቱን አይስትም። ያለንበት ዘመን ታሪክ አጣሞ የሚታለፍበት ዘመን አይደለም። ለትውልድ ለሚተላለፈው አሳፋሪና አንገት አስደፊ ተግባር አካል ያለመሆንን ማሳወቁ በራሱ ለልጅ ልጅም ክብርና አኩሪ ታሪክም ነው።ኢትዮጵያ በቆራጥ ልጆቿ ቤሔራዊ ክብሯን ታስመልሳለች!

ታደለ መኩሪያ

Saudi Police Arrested Several Woyane Alcohol and Drug Smugglers Post a reply Postby revolutions »

Saudi Police Arrested Several Woyane Alcohol and Drug Smugglers Near the Saudi-Yemeni border.

November 10th, 2013

**Google translation**

Fahd Al-Abdullah -- Ethiopian criminal groups armed with light weapons and knives, reportedly involved in the manufacturing and smuggling of alcohol and drugs, were arrested in Southern Saudi Arabia in the border region to Yemen. The armed criminals were accompanied by a group of Ethiopian women who often work as maids in Riyadh's Manfouha district and are known to rob their employers in an extensive theft ring. Citizens in the mountainous region and valley have repeatedly asked the Saudi government to take effective measures to stop the serious crimes committed by armed Ethiopian criminal gangs terrorizing the innocent civilians in the region.

http://awraq-79.blogspot.com/2013/11/blog-post_10.html

Top

SHARE ON:

⟩

Re: Breaking::: Saudi Police Arrested Several Woyane Alcohol and Drug Smugglers

Post a reply

by revolutions » Yesterday, 00:47

Woyane sent thousands of Tigrayan youth to Saudi Arabia to work in the manufacturing and distribution of alcohol and illegal drugs. Armed robbery and drug trafficking are all punishable by death under Saudi Arabia's strict sharia laws. Thousands of Tigrayan youth working for the criminal woyane regime will be beheaded or hung up in public square for all Saudis to admire.

Top

Re: Breaking::: Saudi Police Arrested Several Woyane Alcohol and Drug Smugglers

Post a reply

by Kara » Yesterday, 00:55

\In the 20 years of Woyane rule, Ethiopia has become the Chat capital, husha, drug and [deleted] capital of Africa. It is the TPLF culture - money, trash, pimping, money, crime, chant money. on and on....

Top