ከሞያሌ ወደ ሻሸመኔ ሲጓዝ የነበረ ሀገር አቋራጭ አውቶብስ ተገልብጦ 16 ሰዎች ሞቱ

clickhabesh |

ትናንት አመሻሽ ላይ ከሞያሌ ወደ ሻሸመኔ ሲጓዝ በነበረ ሀገር አቋራጭ አውቶብስ ላይ በደረሰ የመገልበጥ አደጋ የ16 ሰዎች ህይወት ሲያልፍ በ32 ሰዎች ላይ ከባድ የአካል ጉዳት ደረሰ።

ከሟቾቹ ውስጥ ዘጠኙ ወንዶች ሲሆኑ ሰባቱ ደግሞ ሴቶች ናቸው።

ከተሳፋሪዎቹ ውስጥ የ2 አመት ህጻን ያለ ምንም ጉዳት ተርፏል።

አደጋው የደረሰው በጌዲዮ ዞን በይርጋ ጨፌ ወረዳ ቆንጋ ቀበሌ ሲሆን ፥ ከፍተኛ ቁልቁለት ባለበት መንገድ ላይ በፍጥነት ማሽከርከር የአደጋው መንስኤ ነው የይርጋ ጨፌ ወረዳ የትራፊኮች አስተባባሪ ምክትል ሳጅን እድገት አምባዬ እንዳሉት።

ከዚህ በፊትም በዚህ ቦታ ላይ የተለያዩ የትራፊክ አደጋዎች ይደርሱ እንደነበርም አስተባባሪው ገልጸዋል።

ተጎጂዎቹ በዲላ ሆስፒታል የህክምና እርዳታ እየተደረገላቸው እንደሚገኝና የሟቾች ቁጥር ሊጨምር እንደሚችልም ተናግረዋል